by Maria 
ეთერიუმის ფასის 11%-ით ვარდნის მიზეზები დასახელდა
კომპანია XWIN Research Japan-ის ანალიტიკოსების აზრით, ბოლო დღეებში ეთერიუმის ფასის 11%-ით ვარდნა მაკროეკონომიკური ფაქტორებისა და ტექნიკური სიგნალების კომბინაციით არის განპირობებული.
„ უარყოფითი როლი ტექნიკურმა გარემოებებმაც ითამაშა. ეთერიუმმა 4,500–4,600 დოლარის წინააღმდეგობის დონის დაძლევა ვერ შეძლო, რამაც 4,200 დოლარის კურსის პირობებში გაყიდვების ტალღა ააგორა. დამატებითი წნეხი მოგების ადგილობრივ მაქსიმუმებზე ფიქსაციამ შექმნა, რამაც დაღმასვლა დააჩქარა“ – განმარტეს ანალიტიკოსებმა.
ბიტკოინის მზარდმა დომინირებამ და ალტკოინების სეზონურმა სისუსტემ უარყოფითი ფონი შექმნა. XWIN Research Japan-ის დაკვირვებით, ვალიდატორებისთვის გასასვლელი რიგი გაიზარდა, ხოლო სტეიკინგის მოცულობა შემცირდა, რამაც ეთერიუმზე ბუნებრივი მოთხოვნა შეზღუდა.
ანალიტიკოსების თქმით, ეთერიუმის კორექცია ძირითადად ტექნიკური ხასიათს ატარებს და ქსელის ფუნდამენტური მახასიათებლების სისუსტეზე არ მეტყველაბს. ფასის კლებამ შესაძლოა ხელსაყრელი პირობები შექმნას გრძელვადიანი ინვესტორებისთვის, რომლებიც ეთერიუმის პოზიციების გაზრდას უფრო ხელსაყრელ პირობებში ცდილობენ.
XWIN Research-ის ექსპერტების აზრით, მიმდინარე გაყიდვები შესაძლოა ერთგვარ „ბაზრის წმენდად“ განვიხილოთ, რომელიც შემდეგი აღმავალი ციკლისთვის უფრო სტაბილურ საფუძველს შექმნის.
სიახლეების გამოწერა
