ფონდმა Ethereum Foundation სპეციალური გუნდის შექმნის შესახებ გამოაცხადა

ფონდმა Ethereum Foundation სპეციალური გუნდის შექმნის შესახებ გამოაცხადა

ფონდმა Ethereum Foundation გამოაცხადა სპეციალური გუნდის – Privacy Cluster-ის შექმნის შესახებ, რომელიც ბლოკჩეინის 47 ექსპერტისგან იქნება შემდგარი. ექსპერტები Ethereum-ის ბლოკჩეინში კონფიდენციალურობის ფუნქციების დანერგვაზე იმუშავებენ.

მკვლევარები, დეველოპერები და კრიპტოგრაფები გადახდებისა და დეცენტრალიზებული იდენტიფიკაციისთვის გადაწყვეტების ჩათვლით, კონფიდენციალურობის ფუნქციებს პროტოკოლის დონეზე შეიმუშავებენ. სექტემბერში, Ethereum Foundation-მა კონფიდენციალურობაზე ორიენტირებული კვლევითი ინიციატივის შესახებ გამოაცხადა, სახელწოდებით Privacy Stewards for Ethereum (PSE).

Privacy Cluster და PSE-ს მონაწილეები ინფორმაციის ნულოვანი გამჟღავნების ინფრასტრუქტურაზე ითანამშრომლებენ, რაც ინფორმაციის გადამოწმებას მისი კონკრეტული შინაარსის გამჟღავნების გარეშე გულისხმობს. განსაკუთრებული ყურადღება დაეთმობა ასევე მეორე დონის ქსელის PlasmaFold-ის მეშვეობით მონაცემთა კონფიდენციალურ გადაცემას და იმ სიტუაციების თავიდან აცილებას, როდესაც დისტანციური პროცედურების გამოძახებები (RPC) შესაძლოა მომხმარებლის მეტამონაცემების გაჟონვის მიზეზი გახდეს.

ეთერიუმის თანადამფუძნებელმა ვიტალიკ ბუტერინმა ცოტა ხნის წინ გააკრიტიკა ევროკავშირის მიერ შემოთავაზებული ჩატის მონიტორინგის ინიციატივა, რომელიც ევროპის ხელისუფლებას ყველა შეტყობინებაზე შეუზღუდავ წვდომას მისცემს. ბუტერინმა კრიპტო საზოგადოებას მოუწოდა, შეებრძოლონ ინიციატივას, რომელმაც შესაძლოა შეგროვებული მონაცემების არაავტორიზებული გამოყენება ან ჰაკერული თავდასხმების შედეგად მომხმარებლების კონფიდენციალური ინფორმაციის გაჟონვა გამოიწვიოს.

„საზოგადოების უსაფრთხოებას ადამიანების დაცვის გარეშე ვერ უზრუნველყოფთ. ჩვენ ყველანი ვიმსახურებთ, რომ ჩვენი პირადი კომუნიკაციები კონფიდენციალური და უსაფრთხო იყოს.“- აღნიშნა ბუტერინმა.

ბუტერინმა ცოტა ხნის წინ განაცხადა, რომ დაბალი რისკის მქონე დეცენტრალიზებულ ფინანსებს (DeFi), რომელიც გადახდებისა და დაზოგვის ინსტრუმენტებს გვთავაზობს, გაცილებით დიდი პოტენციალი აქვს, ვიდრე მემკოინებსა და NFT-ს.

წყარო: https://cointelegraph.com/news/ethereum-foundation-privacy-cluster-team