მეტ ჰოუგანმა კრიპტო ბაზრის უახლოეს პერსპექტივებზე ისაუბრა

მეტ ჰოუგანმა კრიპტო ბაზრის უახლოეს პერსპექტივებზე ისაუბრა

კრიპტო ბაზრის კლება ტრეიდერების პოზიციების მასშტაბური ლიკვიდაციით იყო განპირობებული, თუმცა კომპანია Bitwise-ის საინვესტიციო დირექტორის, მეტ ჰოუგანის (Matt Hougan) მოსაზრებით, არასტაბილურობის ხანმოკლე პერიოდის შემდეგ ზრდის ტენდენცია განახლდება.

ჰოუგანის თქმით, ძირითადი ზარალი საცალო ვაჭრობის წარმომადგენლებმა და მცირე ინვესტორებმა განიცადეს. არ დაზარალებულან მსხვილი ფონდები და ისინი საქმიანობას აქტიურად აგრძელებენ. ბიზნესმენი აღნიშნავს, რომ ატეხილი პანიკა, რომელიც ძირითადად ჟურნალისტების მიერ იყო გამოწვეული, პროფესიონალ ინვესტორებს არ შეხებია.

აშშ-ში არსებული ლიბერალური რეგულირება და გაცვლით სავაჭრო ფონდებში კაპიტალის შემოდინება (ETF) კვლავაც ზრდის ფუნდამენტურ მამოძრავებელ ფაქტორებად რჩება. ვოლატილობა კრიპტოვალუტის ფასებზე ან კრიპტო ბაზრის საერთო მდგომარეობაზე მნიშვნელოვან გავლენას არ ახდენს, ხოლო ლიკვიდობა თანდათან აღდგება, მიიჩნევს ექსპერტი.

ჰოუგანის აზრით, მიმდინარე მოვლენები კრიპტოვალუტების უფრო სტაბილური ზრდის პირობებს ქმნის, რაც მსხვილ ინვესტორებს საშუალებას მისცემს ფრთხილად გაზარდონ თავიანთი პოზიციები ბიტკოინისა და სხვა ციფრული აქტივების ფასებზე მნიშვნელოვანი ზეწოლის გარეშე.

მისი დასკვნით, მომდევნო კვირების განმავლობაში წამყვანი კრიპტოვალუტები ზომიერი ზრდის ტენდენციის პარალელურად მიმდინარე დიაპაზონში მერყეობას განაგრძობენ, ხოლო წლის ბოლოსთვის, შესაძლოა მდგრადი ზრდის ტენდენცია გამოვლინდეს.

წყარო: https://experts.bitwiseinvestments.com/cio-memos/big-or-blip-three-questions-after-the-flash-crash