by Maria 
Binance-ის დამფუძნებლის შეწყალება კორუფციას დაუკავშირეს
აშშ-ის წარმომადგენელთა პალატის ფინანსური მომსახურების კომიტეტის წევრმა, დემოკრატმა მაქსინ უოტერსმა (Maxine Waters) კრიპტო ბირჟა Binance-ის დამფუძნებლის, ჩენპენ ჯაოს (Changpeng Zhao) შეწყალება კორუფციად შეაფასა.
უოტერსის განცხადებით, ჯაოს წინააღმდეგ ბრალდებების მოხსნით პრეზიდენტი დონალდ ტრამპი კრიპტოვალუტასთან დაკავშირებულ კრიმინალურ საქმიანობას ახალისებს. უოტერსის თქმით, სანაცვლოდ, ტრამპს შესაძლოა მილიარდები მიეღო და საკუთარ კრიპტო პროექტებში დაებანდებინა.
„ტრამპის მიერ Binance-ის დამფუძნებლის ჩენპენ ჯაოს შეწყალება, რომელმაც ფულის გათეთრებაში დახმარებასა და ბავშვთა მოძალადეებისთვის, ნარკოდილერებსა და ტერორისტებისთვის საეჭვო ტრანზაქციების განხორციელების ხელშეწყობაში თავი დამნაშაცედ აღიარა – ეს საშინელებაა. კორუფცია, პირადი სარგებლის მიღება და მშრომელი კლასის ოჯახების ნაცვლად კრიმინალებისადმი ერთგულება – აი რად გადაიქცა მისი პრეზიდენტობა.“- განაცხადა უოტერსმა.
კონგრესმენის მტკიცებით, ჯაო თვეების განმავლობაში ლობირებდა ტრამპის ოჯახის ინტერესებს და პარალელურად მათ პლატფრმა World Liberty Financial (WLFI) – ზე მილიარდობით დოლარს რიცხავდა. ამიტომ, უოტერსის მოსაზრებით, ჯაოს შეწყალება ერთგვარი „ანაზღაურება იყო იმ თამაშისთვის“, რომელსაც ტრამპი და მისი ადმინისტრაცია აგრძელებენ.
ცოტახნით ადრე Bloomberg-მა გაავრცელა ინფორმაცია, რომ ტრამპის კრიპტოპროექტებმა მისი წმინდა ქონება მინიმუმ 620 მილიონი დოლარით გაზარდა, ხოლო პლატფორმა World Liberty Financial და მონეტა TRUMP შემოსავლის ძირითად წყაროებს წარმოადგენდა.
2023 წელს ჯაომ აშშ-ის ფულის გათეთრების შესახებ კანონების დარღვევაში თავი დამნაშავედ ცნო. Binance-ის აღმასრულებელი დირექტორის თანამდებობიდან გადადგომის შემდეგ, ჯაო იძულებული გახდა ოთხი თვე ფედერალურ ციხეში პატიმრობაში გაეტარებინა.
წყარო: https://decrypt.co/345812/rep-maxine-waters-blasts-trump-pardon-of-binance-founder
სიახლეების გამოწერა
