ჩინეთიდან მაინერების გასვლა ინდუსტრიისთვის სასიკეთოა
Galaxy Digital-ის აღმასრულებელ დირექტორს, მაიკლ ნოვოგრაცს (Michael Novogratz) მიაჩნია, რომ ჩინეთში მაინინგის აკრძალვა ვერ
ავნებს ბიტკოინს და პირიქით, ინდუსტრიას უფრო გააჯანსაღებს და გააძლიერებს.
Bloomberg-თან ინტერვიუში ნოვოგრაცმა აღნიშნა, რომ მიუხედავად ბიტკოინის აკრძალვის უამრავი მცდელობისა, პირველი კრიპტოვალუტა
განაგრძობს არსებობას და განვითარებას. მისი აზრით, ბოლო კვირების განმავლობაში კრიპტოვალუტის ბაზრის მომატებულმა ვოლატილობამ მხოლოდ ეკოსისტემის, როგორც ერთი მთლიანობის მდგრადობა აჩვენა.
„ბიტკოინი განაგრძობს არსებობას. მაინერების მიგრაცია ჩინეთიდან ეკოსისტემისთვის სასარგებლოა. ბიტკოინის კურსი 65%-ით დავარდა. საფონდო ბაზრის მსგავსად, ჩვენ არ ვართ დაცული მოულოდნელი ვარდნისგან. და მიუხედავად ამისა, სისტემამ იმუშავა ისე, როგორც უნდა ემუშავა. ეს არის დროის მცირე მონაკვეთში შექმნილი ძალიან სანდო ეკოსისტემა.“- განაცხადა Galaxy Digital-ის CEO-მ.
ნოვოგრაცის აზრით, ბიტკოინი კიდევ დიდხანს იქნება ციფრული ოქროს ანალოგი. თუმცა, ის ეთერიუმის მიმართაც პოზიტიურად არის განწყობილი:
„ეთერიუმი, დიდი ალბათობით დარჩება მეორე კრიპტოვალუტად, ან შეიძლება ლიდერიც გახდეს. Web 3.0 ეთერიუმის ბაზაზე შეიქმნება.“
რაც შეეხება დანარჩენ კრიპტოვალუტებს, ნოვოგრაცის აზრით, მთელი ინდუსტრია ვითარდება ისე, რომ მსოფლიო ფინანსური არქიტექტურის გადაწყობა მოხდეს.
ჩინეთიდან მაინერების გასვლა ინდუსტრიისთვის სასიკეთოა
წყარო:https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)