by Giorgi 
PayPal-ის სტეიბლკოინის საბაზრო კაპიტალიზაცია სამჯერ გაიზარდა
ანალიტიკური პლატფორმა DeFiLlama-ს მონაცემების თანახმად, PayPal-ის დოლარზე მიბმული სტაბილური კრიპტოვალუტის, PYUSD-ის საბაზრო კაპიტალიზაცია სექტემბერში არსებული 1.2 მილიარდი დოლარიდან 3.8 მილიარდ დოლარამდე გაიზარდა.
ნოემბერში PYUSD-ის მიწოდება დაახლოებით 113%-ით, ხოლო ამ სტაბილური კრიპტოვალუტით განხორციელებული ტრანზაქციების რაოდენობა 150%-ით გაიზარდა და 1.8 მილიონს მიაღწია. მიუხედავად იმისა, რომ PYUSD Tether, USDT და Circle-ის USDC-თან შედარებით ახალია, ის ივლის-სექტემბერში Ethena-ს USDe-ს შემდეგ მეორე ყველაზე სწრაფად მზარდი სტაბილური კრიპტოვალუტა გახდა. მისი მთავარი კონკურენტი იმავე პერიოდში 173%-ით გაიზარდა.
მკვეთრი ზრდა სექტემბერში PayPal-ის პროტოკოლ LayerZero-სთან ინტეგრაციით იყო გამოწვეული. PYUSD ამჟამად ცხრა ბლოკჩეინის მხარდაჭერა აქვს. მათ შორის: Abstract, Aptos, Avalanche, Ink, Sei, Stable და Tron, ასევე Berachain-ისა და Flow-ის განახლებული ვერსიების. კომპანიის წარმომადგენლების თქმით, იმ მიზეზით, რომ PYUSD-ის რამდენიმე ბლოკჩეინზეა წარმოდგენილი, ტოკენზე პირდაპირი წვდომა PayPal-ისა და Venmo-ს 400 მილიონზე მეტმა აქტიურმა მომხმარებელმა მიიღო.
სტეიბლკოინების ბაზრის მთლიანი კაპიტალიზაცია ამჟამად 307.2 მილიარდ დოლარს შეადგენს. აქედან 184.6 მილიარდი დოლარით დომინანტ სტეიბლკოინად USDT რჩება და სტაბილური კრიპტოვალუტების მთლიანი მიწოდების ნახევარზე მეტს შეადგენს. საბაზრო კაპიტალიზაციის მიხედვით მეორე ადგილს 77.3 მილიარდ დოლარით USDC იკავებს. ეს ორი ტოკენი სტაბილური კრიპტოვალუტების ბაზრის 85%-ზე მეტს შეადგენს, მათი საბაზრო კაპიტალიზაციის უმეტესი ნაწილი კი ეთერიუმის ბლოკჩეინზეა კონცენტრირებული.
არსებობს შეშფოთება, რომ PYUSD-ის 3.7%-იანი წლიური შემოსავლიანობა შესაძლოა აშშ-ის სტაბილური კრიპტოვალუტების მარეგულირებელ კანონს არღვევდეს, რომელიც შემოსავლიანობის მქონე ტოკენების გამოშვებას კრძალავს. PayPal-ს ჯერ არ განუმარტავს, თუ როგორ მოაგვარებს ამ საკითხს. ამჟამად კომპანიის მუშაობა ნიუ-იორკის შტატის ფინანსური მომსახურების დეპარტამენტის (NYDFS) მოთხოვნებს შეესაბამება.
ივლისში PayPal-მა ამერიკელ მომხმარებლებს PYUSD-ის მეშვეობით 100-ზე მეტ კრიპტოვალუტაში გადახდების მიღების შესაძლებლობა შესთავაზა. თუმცა, PayPal-ის აღმასრულებელი დირექტორის, ალექს კრისის (Alex Chriss) თქმით, სტაბილური კრიპტოვალუტები ამჟამად ყოველდღიური გადახდებისთვის მოთხოვნადი არ არის.
წყარო: https://www.cryptopolitan.com/pyusd-stablecoin-surges-to-3-8-billion-mc/
სიახლეების გამოწერა
