by Giorgi 
ეთერიუმმა ფსკერს მიაღწია
BitMine-ის თავმჯდომარისა და Fundstrat-ის თანადამფუძნებლის ტომ ლის (Tom Lee) განცხადებით, საბაზრო კაპიტალიზაციის მიხედვით სიდიდით მეორე კრიპტოვალუტამ – ეთერიუმმა, კრიტიკულ ზღვარს მიაღწია. კომპანიამ მონეტის მაქსიმალური კლებით ისარგებლა და მარაგები შეივსო.
მიუხედავად იმისა, რომ კრიპტო ბაზარზე მნიშვნელოვანი ზრდა არ შეინიშნება, ტომ ლი ოპტიმისტურად არის განწყობილი. მისი განცხადებით, კომპანია ეთერიუმის შესყიდვის კუთხით უფრო აქტიური ეთერიუმის ქსელში განახლება Fusaka-ს დანერგვის შემდეგ გახდა, რომელიც ქსელის მასშტაბირებისა და უსაფრთხოების გასაუმჯობესებლად შეიქმნა.
„BitMine-ს მიაჩნია, რომ ეთერიუმმა მინიმალურ ნიშნულს უკვე მიაღწია. ორი კვირის წინანდელთან შედარებით, ჩვენს მიერ შეძენილი ეთერიუმების მოცულობა გაორმაგდა.“ – განაცხადა ლიმ Farokh Radio-სთან ინტერვიუში.
10 დეკემბერს კომპანიამ BitMine Immersion Technologies კრიპტოვალუტის ბროკერ FalconX-ის მეშვეობით 33,504 ETH შეიძინა, რომელთა ღირებულება 112 მილიონს შეადგენს.
ამ შენაძენით, კომპანია ამჟამად ETH-ის მთლიანი მიწოდების 3.2%-ს ფლობს, რაც მის როგორც ETH-ის მსოფლიოში უდიდესი კორპორატიული მფლობელის პოზიციას აძლიერებს.
ამჟამად, Bitmine მიმოქცევაში არსებული ETH-ის სამიზნე 5%-ის დაახლოებით 62%-ს ფლობს. კრიპტოვალუტის ფლობის თვალსაზრისით, BitMine მეორე ადგილზეა კომპანია Strategy-ს შემდეგ, რომელიც 59 მილიარდ დოლარზე მეტი ღირებულების ბიტკოინს ფლობს.
ლიმ კიდევ ერთი ფაქტორი დაასახელა, რომელიც, მისი აზრით, მომავალ წელს ეთერიუმს გააძლიერებს: აშშ-ის ფედერალური რეზერვის პოლიტიკა, რომელმაც ძირითადი საპროცენტო განაკვეთი 25 საბაზისო პუნქტით 3.5%-3.75% სამიზნე დიაპაზონამდე შეამცირა. განაკვეთის შემცირება, როგორც წესი, ინვესტორების მადას მაღალი რისკის აქტივების, მათ შორის კრიპტოვალუტების მიმართაც აღძრავს.
სიახლეების გამოწერა
