by Giorgi 
Binance კრიპტო ბაზრისთვის საფრთხედ გადაიქცა
პლატფორმა Kaiko-ს ანალიტიკოსების აზრით, ვაჭრობის მოცულობით ყველაზე დიდმა კრიპტო ბირჟამ Binance შესაძლოა მთელ კრიპტო ბაზარს მნიშვნელოვანი სამართლებრივი და სტრუქტურული საფრთხე შეუქმნას.
ანალიტიკოსების განმარტებით, რამდენიმე კრიპტო პლატფორმაზე ლიკვიდობის ჭარბად კონცენტრირება მაღალი ვოლატილობის პირობებში ფასების მასშტაბური ვარდნის რისკებს გაზრდის.
„ეკოსისტემაში Binance-ის ცენტრალური როლის მიუხედავად, მნიშვნელოვანია გვახსოვდეს, რომ ბირჟა ოფიციალურად არ რეგულირდება, აშშ-ში გასამართლებულია ფულის გათეთრების საწინააღმდეგო ზომების განუხორციელებლობის გამო და არ ფლობს MiCA-ს ლიცენზიას ევროპაში.“ – აღნიშნავენ Kaiko-ს წარმომადგენლები.
ექსპერტების თქმით, 10 ოქტომბერს ბაზრის ვარდნის პერიოდში Binance-ზე კრიპტოვალუტების ფასების ექსტრემალური რყევები შეიმჩნეოდა, ხოლო რიგმა ტრეიდერებმა დროებით საკუთარ ანგარიშებზე წვდომა დაკარგეს.
Kaiko-ს ექსპერტები შიშობენ, რომ პლატფორმაზე ნებისმიერმა ოპერაციულმა, ტექნიკურმა თუ იურიდიულმა წინაღობამ შესაძლოა მნიშვნელოვანი შეფერხება გამოიწვიოს, რაც მთელ კრიპტო ბაზარზე უარყოფითად აისახება.
Kaiko-ს სპეციალისტების მოსაზრებით, შექმნილ ვითარებაში, ნაცვლად კრიპტოაქტივების ერთ ბირჟაზე კონცენტრირებისა, ინვესტორებმა კაპიტალის შენახვისადმი მიდგომას უნდა გადახედონ და ყურადღება სახსრების რამდენიმე რეგულირებად პლატფორმას შორის დივერსიფიკაციაზე გაამახვილონ.
მანამდე, Binance-ის თანადამფუძნებელმა და აქციების ყველაზე დიდი წილის მფლობელმა ჩენპენ ჯაომ (Changpeng Zhao) განაცხადა, რომ ბირჟის მართვა სრულად მის თანადამფუძნებელ ჰე იმს (He Yi) და აღმასრულებელ დირექტორს რიჩარდ ტენგს (Richard Teng) გადაეცათ.
