ექსპერტებმა კრიპტოვალუტის ეკონომიკაში ინტეგრაციის მთავარი მამოძრავებელი ძალა დაასახელეს

ექსპერტებმა კრიპტოვალუტის ეკონომიკაში ინტეგრაციის მთავარი მამოძრავებელი ძალა დაასახელეს

პლატფორმა Artemis-ის ანალიტიკოსების მოსაზრებით, ეკონომიკაში ციფრული მონეტების ინტეგრაციის მთავარ მამოძრავებელ ძალას კრიპტო ბარათები წარმოადგენს – მათი მეშვეობით სტეიბლკოინები კრიპტობირჟების ფარგლებს გასცდა და მოსახერხებელ გადახდის ინსტრუმენტად გადაიქცა.

ექსპერტების მონაცემებით, კრიპტო ბარათებით გადახდების ყოველთვიური მოცულობა 2023 წლის დასაწყისში არსებული 100 მილიონი დოლარიდან 2025 წლის ბოლოსთვის 1.5 მილიარდ დოლარამდე გაიზარდა. ამ სწრაფი ზრდის მთავარი მიზეზი ის არის, რომ კომპანიების უმეტესობა კრიპტოვალუტით ანგარიშსწორებას არ იღებს.

კრიპტო ბარათები საგადახდო პლატფორმების – Visa-სა და Mastercard-ის საფუძველზე ფუნქციონირებენ და კრიპტოვალუტის ფიატში კონვერტაციას ავტომატურად ახდენენ.

ანალიტიკოსების აზრით, კრიპტო ბარათებზე ყველაზე დიდი მოთხოვნა განვითარებად ეკონომიკებშია. მათი მზარდი პოპულარობის განმაპირობებელ ძირითად ფაქტორებს ეროვნული ვალუტის არასტაბილურობა, ინფლაცია და საბანკო მომსახურებაზე შეზღუდული წვდომა წარმოადგენს.

განვითარებულ ეკონომიკებში, როგორიცაა აშშ და ევროკავშირის ქვეყნები, სტანდარტული გადახდის სისტემები საკმაოდ ეფექტურად მუშაობს. ამიტომ, სტაბილური კრიპტოვალუტები არ წყვეტენ ფუნდამენტურ პრობლემებს და მათ ძირითადად მოწინავე მომხმარებლები იყენებენ: კრიპტო ინვესტორები, ფრილანსერები და ციფრული კრიპტოვალუტებით მომუშავე კომპანიები, აღნიშნავენ Artemis-ის წარმომადგენლები.

ექსპერტების პროგნოზით, კრიპტო ბარათები მოწინავე პოზიციებს საცალო სეგმენტში შეინარჩუნებენ. თავის მხრივ, პირდაპირი გადახდები ფართო გამოყენებას B2B სექტორსა და ტრანსსასაზღვრო გადარიცხვებში ჰპოვებს, სადაც მნიშვნელოვანი სიჩქარე და ტრანზაქციის ხარჯებია.

ცოტა ხნით ადრე, ვაჭრობის მოცულობით მსოფლიოში უდიდესმა კრიპტო ბირჟამ Binance გადახდის ტექნოლოგიების ლიდერ კომპანია Worldpay-თან პარტნიორობის შესახებ გამოაცხადა. მომხმარებლებს შესაძლებლობა ეძლევათ კრიპტოვალუტა Apple Pay-სა და Google Pay-ს მეშვეობით შეიძინონ.

წყარო: https://x.com/artemis/status/2011831745235304955