მსხვილი ინვესტორების აზრით ბიტკოინი არასაკმარისად არის დაფასებული

მსხვილი ინვესტორების აზრით ბიტკოინი არასაკმარისად არის დაფასებული

ამერიკული კრიპტო ბირჟა Coinbase-ის ანალიტიკოსების განცხადებით, მსხვილი ინვესტორების 70% მიიჩნევს, რომ ბიტკოინი, რომლის ღირებულებაც ამჟამად 85,000–95,000 აშშ დოლარს შეადგენს, არასაკმარისად არის დაფასებული, რადგან საფონდო ბაზრისა და ძვირფასი ლითონების დინამიკას ჩამორჩება.

ბირჟამ ჩაატარა გამოკითხვა, რომლის მიხედვითაც მსხვილი ინვესტორების მხოლოდ მეოთხედმა ბიტკოინის ფასი მიმდინარე საბაზრო პირობებში სამართლიანად მიიჩნია. გამოკითხულთა 4%-მა კი განაცხადა, რომ მსოფლიოს წამყვანი კრიპტოვალუტა გადაჭარბებულად არის შეფასებული.

გამოკითხულთა 60%-ზე მეტის განცხადებით, მას შემდეგ, რაც ბიტკოინმა ოქტომბერში ყველა დროის მაქსიმუმს მიაღწია, ბაზრის კორექციის მიუხედავად, მათ ციფრულ აქტივში ინვესტიციები შეინარჩუნეს ან გაზარდეს.

რესპონდენტთა 80% ბიტკოინში მიმდინარე ინვესტიციების უცვლელად შენარჩუნებას ან გაზრდას აპირებს იმ შემთხვევაშიც კი, თუ ბაზარი 10%-ით დაეცემა.

მსხვილი ინვესტორების 54% მიიჩნევს, რომ კრიპტო ბაზარი ამჟამად ან დაგროვების ფაზაშია, ან დაღმავალი ტრენდის ფარგლებშია და გადის ისეთ პერიოდს, რომელიც ისტორიულად კრიპტოვალუტის აღდგენის საფუძველს აყალიბებს.

აშშ-ში მონეტარული პოლიტიკის შესახებ არსებული გაურკვევლობის მიუხედავად, ამერიკული კრიპტო ბირჟის ანალიტიკოსები ვარაუდობენ, რომ ფედერალური რეზერვი (FED) წელს საპროცენტო განაკვეთებს ორჯერ შეამცირებს. Coinbase-ის ექსპერტების აზრით, ასეთმა სცენარმა შესაძლოა მაღალი რისკის მქონე აქტივების, მათ შორის კრიპტოვალუტების ზრდისთვის, ხელსაყრელი პირობები შექმნას.

წყარო: https://finance.yahoo.com/news/70-institutions-bitcoin-undervalued-despite-123928596.html