Cardano-ს ქსელში 200-ზე მეტი სმარტ კონტრაქტი ამოქმედების მოლოდინშია

ჰარდფორკ Alonzo-ს აქტივაციის შემდეგ Cardano-ს ბლოკჩეინზე სრულყოფილი ამოქმედების მოლოდინში 200-ზე მეტი სმარტ კონტრაქტია ბლოკირებული. 

Adapools-ის მონაცემებით, 13 სექტემბერს ჰარდფორკ Alonzo-ს გააქტიურების მომენტიდან Cardano-ს ბლოკჩეინზე 200-ზე
მეტი სმარტ კონტრაქტი შეიქმნა. თუმცა ამ დროისთვის ყველა ამ კონტრაქტს დროებით შეჩერებულის სტატუსი აქვს. ეს
იმას ნიშნავს, რომ დეველოპერების აზრით, ისინი ჯერ კიდევ არ არიან მზად ექსპლუატაციისთვის.

Vercel App-ის ცნობით კი ქსელში არსებული სმარტ-კონტრაქტების რაოდენობა ბევრად უფრო დიდია და 2300-ზე მეტ
კონტრაქტს შეადგენს. მაგრამ, ეს საიტი კონკრეტული მისამართების შესახებ ინფორმაციას არ იძლევა.

ჭკვიანი კონტრაქტების ფუნქციის მოლოდინი 2017 წელს Cardano-ს ქსელის ამოქმედების დღიდან არსებობდა. ეს ოპცია
ბლოკჩეინში კვირის დასაწყისში Alonzo-ს განახლების ჩატარების შემდეგ გაჩნდა და უამრავი ახალი პროექტი მიიზიდა.

Cardano-ს დამფუძნებლის, ჩარლზ ჰოსკინსონის (Charles Hoskinson) განცხადებით, იმის გამო, რომ Cardano-ს სმარტ
კონტრაქტების მხარდაჭერა აქვს DeFi ინდუსტრია ახლა ღია იქნება ნებისმიერი მსურველისთვის. ჰოსკინსონის თქმით,
DeFi-ის „მეორე ტალღის“ ლიდერებს მეტი ლიკვიდურობა, ფუნქციონალური თავსებადობა და  საკუთარი აპლიკაციების
რამდენიმე ქსელში განთავსების შესაძლებლობა ექნებათ.

„ჩვენ გვჭირდება მართვა, სერტიფიცირება, დაზღვევა, რეგულირება, მეტამონაცემების იდენტიფიკაცია… ამავე დროს ჩვენ გვჭირდება დეცენტრალიზაცია.“- თქვა მან. „ჩვენ Cardano DeFi-ის მეორე ტალღის დასაწყებად შევქმენით.“

Cardano-ს ქსელში სმარტ კონტრაქტები რამდენიმე დიდმა პროექტმა შექმნა და მათ ამოქმედებას უახლოეს მომავალში აპირებენ. ერთ-ერთია Cardax – Cardano-ზე პირველი DEX-ი.  ასევე Liqwid – ლიკვიდურობის არაკუსტოდიალური პროტოკოლი ღია საწყისი კოდით. ქსელის მიმართ ინტერესი გამოიჩინეს პლატფორმა SingularityNET-ის დეველოპერებმაც. პლატფორმა ნებისმიერ მსურველს AI (Artificial Intelligence) სერვისების შექმნის, ერთობლივი გამოყენებისა და მონეტიზაციის შესაძლებლობას აძლევს. 

Cardano უკუთავსებადი იქნება ეთერიუმის EVM-თან და DeFi-ის იმ მომხმარებლების მიზიდვას იმედოვნებს, რომლებსაც ტრანზაქციების საკომისიოზე ეკონომიის გაკეთება უნდათ.  ADA-ს ფასი ივლისის შუა რიცხვებიდან 170%-ით გაიზარდა. ის ამჟამად 2.4$-ს შეადგენს, რაც სექტემბრის დასაწყისში დაფიქსირებულ ისტორიულ მაქსიმუმზე (3.09$) 20%-ით ნაკლებია.

წყარო: https://bits.media

Cardano-ს ქსელში 200-ზე მეტი სმარტ კონტრაქტი ამოქმედების მოლოდინშია

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას