მასკის აზრით ტრანზაქციებისთვის DOGE ბიკტკოინზე უკეთესია

მასკის აზრით ტრანზაქციებისთვის DOGE ბიკტკოინზე უკეთესია

Tesla-სა და SpaceX-ის აღმასრულებელმა დირექტორმა ილონ მასკმა ბიტკოინს დაგროვების კარგი საშუალება უწოდა, თუმცა აღნიშნა, რომ ტრანზაქციების განხორციელებისთვის DOGE ბიტკოინზე უკეთესია.

ამის შესახებ ილონ მასკმა (Elon Musk) ამერიკულ ჟურნალ Time-თან ინტერვიუში განაცხადა. კრიპტოვალუტის უპირატესობებსა და ნაკლოვანებებზე საუბრისას მასკმა გამოთქვა მოსაზრება,

რომ ბიტკოინი  ჩვეულებრივი ფულის სრულფასოვანი შემცვლელი ვერ გახდება.

პირველი კრიპტოვალუტით ტრანზაქციების მოცულობა არც ისე დიდია, მომხმარებლებს კი ტრანზაქციების BTC-ით განხორციელებისას დიდი საკომისიოების გადახდა უწევთ.

როგორც მასკმა აღნიშნა, ბიტკოინს და სხვა კრიპტოაქტივებს ფიატურ ვალუტებთან შედარებით ბევრი უპირატესობა აქვთ, რომლებსაც მთავრობები „ფულადი მასის გაზავებით ასუსტებენ“ , რაც ხალხის გრძელვადიანი დანაზოგის გაუფასურებას იწვევს. ამიტომ, სულ უფრო მეტი ინვესტორი  ბიტკოინს დაგროვების საიმედო წყაროდ მიიჩნევს და მასში ინვესტირებას გრძელვადიანი შენახვის მიზნით ახდენს და არა გადახდების განხორციელებისთვის ან შემდგომში გაყიდვისთვის.

თუმცა, მასკის აზრით, DOGE-ს ბიტკოინთან მიმართებაში უპირატესობა აქვს, რადგან ტრანზაქციების განხორციელებისთვის მეტად მოსახერხებელია.

„ კრიპტოვალუტა Dogecoin ინფლაციას  მონეტების რაოდენობაზე მკაცრი ლიმიტის არარსებობის გამო ექვემდებარება. მაგრამ ეს ინფლაციური რიცხვი არის ფიქსირებული რიცხვი და არა პროცენტი. ეს იმას ნიშნავს, რომ დროთა განმავლობაში DOGE-ს ინფლაცია პროცენტულად შემცირდება. და რეალურად ეს კარგია, რადგან ხალხი DOGE-ს დახარჯვით და არა მისი დაგროვებით არის დაინტერესებული”- თქვა მასკმა.

 „კრიპტოვალუტა ხალხისთვის“ ასე უწოდა მასკმა DOGE-ს ოქტომბერში და მეტი დეცენტრალიზაციისთვის Dogecoin-ის მსხვილ მფლობელებს თავიანთი მონეტების უმეტესი ნაწილის გაყიდვისკენ მოუწოდა.

წყარო: https://bits.media/