მსხვილი ტრეიდერი ბიტკოინის ვარდნაში დაადანშაულეს

მსხვილი ტრეიდერი ბიტკოინის ვარდნაში დაადანშაულეს

ტრეიდერების ჯგუფმა ამერიკული მსხვილი სავაჭრო კომპანია Jane Street რამდენიმე თვის განმავლობაში ყოველდღიურად, კონკრეტულ დროს ბიტკოინის გაყიდვაში დაადანაშაულა. კრიტიკოსები მიიჩნევენ, რომ კომპანია კრიპტოვალუტის ფასის დაწევას განზრახ ცდილობს, რათა ის ხელსაყრელ ფასად შეიძინოს.

ტრეიდერებმა შენიშნეს, რომ ბოლო თვეებში ბიტკოინის ფასმა კლება აღმოსავლეთის დროით დაახლოებით დილის 10:00 საათზე დაიწყო.

X-ის მომხმარებელმა მეტსახელად Bull Theory, აღნიშნა, რომ Jane Street ბიტკოინს „ყოველ დილით, 10:00 საათზე“ ყიდიდა და დიდი რაოდენობით საცალო ინვესტორის პოზიციების ლიკვიდაციას ახდენდა, შემდეგ კი მალევე აქტივს ისევ ყიდულობდა.

ტრეიდერებმა კომპანიის ქცევა შემდეგნაირად ახსნეს: Jane Street ბიტკოინის სავაჭრო ფონდის ავტორიზებული მონაწილე (AP) არის და შესაბამისად, მოგების მაქსიმიზაციას, მათ შორის, საცალო მოთამაშეების ხარჯზე ცდილობს.

თუმცა, ოთხშაბათს, 25 თებერვალს, 10:00 საათზე ტრადიციული დილის გაყიდვები არ მომხდარა. ამ დღეს ბიტკოინმა მცირე ხნით 70,000 დოლარს გადააჭარბა. ეთერიუმის ფასი 13%-ზე მეტით გაიზარდა, ხოლო Solana-ს ფასი 15%-ით.

„Bull Theory“-ს თქმით, იმ დღეს კომპანიას გაყიდვები არ განუხორციელებია, რადგან გაკოტრებული პლატფორმა Terraform-ის მმართველმა Jane Street-ის წინააღმდეგ სარჩელი შეიტანა, რომელშიც კომპანია ინსაიდერულ ვაჭრობაში დაადანაშაულა.

თუმცა, ანალიტიკოსი ჯეფ პარკის (Jeff Park) მტკიცებით, „ბიტკოინის ბაზრის ბოროტმოქმედი“ არა ერთი რომელიმე კონკრეტული კომპანია, არამედ მთელი ბიტკოინ ETF-ის არქიტექტურაა.

პარკი მიიჩნევს, რომ Jane Street-ის მსგავსი ავტორიზებული მონაწილეები, რეგულირების ნაცრისფერ ზონაში მოქმედებენ. სხვა ტრეიდერებისგან განსხვავებით, რომლებსაც მოკლე პოზიციების გახსნამდე აქციების მოპოვება და დადასტურება მოეთხოვებათ, ავტორიზებული მონაწილეები ამ ვალდებულებისგან თავისუფლები არიან. ეს მათ თავად სპოტ აქტივის მაგივრად ბიტკოინის ჰეჯირებული ფიუჩერსების გამოყენების შესაძლებლობას აძლევს. ეს არღვევს კავშირს ETF-ზე მოთხოვნასა და სპოტ ფასის ზრდას შორის – რაც ნიშნავს, რომ ETF-ის აქტივების ზრდა ბიტკოინის ფასის ავტომატურ ზრდას აღარ იწვევს, განმარტავს პარკი.

ადრე, ETF-ის აქციებისთვის ავტორიზებულ კომპანიებს ბიტკოინის ყიდვა ღია ბაზარზე უწევდათ, რაც ფასის შენარჩუნებას უწყობდა ხელს. თუმცა ახლა, ეს მოთხოვნა გაუქმებულია და ავტორიზებულ მონაწილეებს ბიტკოინის შეძენა კერძო პლატფორმების მეშვეობით, ბაზარზე მინიმალური ზემოქმედებით შეუძლიათ. ეკონომისტის თქმით, ამგვარად ხდება საჯარო ბირჟების გვერდის ავლა, სადაც საბაზრო ფასი განისაზღვრება.

Jane Street არაკეთილსინდისიერებაში ადრეც დაუდანაშაულებიათ: კრიპტო პლატფორმა Terraform-ის გაკოტრების მმართველმა, ტოდ სნაიდერმა (Todd Snyder) Jane Street Terraform-ის ყოფილი თანამშრომლისგან არასაჯარო ინფორმაციის მიღებაში დაადანაშაულა, რამაც საბოლოოდ პლატფორმის კოლაფსი გამოიწვია.

წყარო: https://x.com/bulltheoryio/status/2026744752889315563?s=46