🔐 ადამ ბექმა ბიტკოინის უსაფრთხო განახლების გზა წარმოადგინა — კვანტურ საფრთხეებზე პასუხი

Adam Back-მა განაცხადა, რომ ბიტკოინის კვანტურად მდგრად კრიპტოგრაფიაზე გადასვლის ყველაზე უსაფრთხო გზა არის ეტაპობრივი და არასავალდებულო განახლებების დანერგვა.

მისი თქმით, კვანტური კომპიუტერები ჯერ კიდევ განვითარების ადრეულ ეტაპზეა და პროგრესი ნელა მიმდინარეობს, თუმცა გრძელვადიან პერსპექტივაში ისინი შეიძლება საფრთხეს წარმოადგენდნენ კრიპტოგრაფიისთვის და კრიპტო საფულეების უსაფრთხოებისთვის.

„ყველაზე უსაფრთხო სცენარი არის არასავალდებულო განახლებების ეტაპობრივი დანერგვა, რომელიც საჭიროების შემთხვევაში კვანტურად მდგრად კრიპტოგრაფიაზე გადასვლის საშუალებას მოგვცემს. მზადყოფნა არის წარმატების გასაღები. ცვლილებების კონტროლირებადი განხორციელება ბევრად უსაფრთხოა, ვიდრე კრიზისულ სიტუაციაში მოქმედება,“ — განაცხადა მან.

ბექმა ასევე აღნიშნა, რომ მსგავსი ცვლილებები მოითხოვს დროს და საზოგადოების შეთანხმებას, რადგან ბიტკოინის ქსელში ნებისმიერი განახლება ეხება ფართო მონაწილეთა ჯგუფს — დეველოპერებიდან დაწყებული, მომხმარებლებითა და ნოუდ ოპერატორებით დასრულებული.

მისივე თქმით, ახალი კრიპტოგრაფიაზე გადასვლა, სავარაუდოდ, ეტაპობრივად მოხდება. პირველ ეტაპზე ცვლილებები შეეხება ახალ მისამართებსა და შენახვის ინსტრუმენტებს, ხოლო არსებული გადაწყვეტილებები გარკვეული პერიოდის განმავლობაში პარალელურად იმუშავებს. ეს მიდგომა ხელს შეუწყობს ქსელის სტაბილურობას და მომხმარებლებისთვის ცვლილებების მარტივად მიღებას.

ამასთან, Jameson Lopp-ის ხელმძღვანელობით დეველოპერთა ჯგუფმა წარადგინა ბიტკოინის გაუმჯობესების ახალი წინადადება — BIP-361. აღნიშნული ინიციატივა ითვალისწინებს დაახლოებით 1.7 მილიონი BTC-ის „გაყინვას“, რომლებიც პოტენციურად დაუცველია კვანტური შეტევების მიმართ.

shaksen

კრიპტო სამყაროში 2017 წლიდან. #bitcoin