by Giorgi 
მომდევნო კვირებში ბიტკოინის ფასმა შესაძლოა 90,000 დოლარს გადააჭარბოს
პლატფორმა Santiment-ის ანალიტიკოსების განცხადებით, უახლოეს რამდენიმე კვირაში ბიტკოინის კურსმა შესაძლოა, 90 000 დოლარს გადააჭარბოს, რაც კაპიტალის აქციებსა და მსხვილ კრიპტოვალუტებში გადანაწილებითიქნება განპირობებული.
მათი შეფასებით, კრიპტობაზარმა ზრდა კვირის ბოლოს დააჩქარა, ბიტკოინმა კი ბოლო 11 კვირის მაქსიმალურ მაჩვენებლებს მიაღწია. ექსპერტებმა ერთ-ერთ მთავარ ფაქტორად ახლო აღმოსავლეთში პოლიტიკური დაძაბულობის შემცირება დაასახელეს.
ინვესტორების ოპტიმიზმი ასევე აშშ-ის საფონდო ინდექსების რეკორდულმა მაჩვენებლებმა და ენერგომატარებლებზე ფასების მკვეთრმა ვარდნამ განაპირობა.
„სანამ ტრეიდერების უმეტესობა 84 000 დოლარის ნიშნულზე წინააღმდეგობის მოლოდინშია, ბაზარს აქვს ყველა შანსი, ეს ნიშნული გადალახოს. თუ სამშვიდობო ხელშეკრულებასთან დაკავშირებული სიტუაცია და კანონ CLARITY-ის მიღების პროცესი პოზიტიურად გაგრძელდება, ბიტკოინის კურსი, შესაძლოა, 90 000 დოლარზე მაღლა ავიდეს.“ – აღნიშნეს ანალიტიკოსებმა.
ამავდროულად, კურსის ზრდის მიუხედავად, საცალო ინვესტორები კვლავ თავშეკავების ტაქტიკას ინარჩუნებენ.
„სოციალურ ქსელებში ყოველ სამ ნეგატიურ კომენტარზე ორი პოზიტიური მოდის. კერძო ინვესტორები გადაღლილები არიან ომის შესახებ მუდმივი სიახლეებით და ცეცხლის შეწყვეტის შესახებ მორიგ ცნობებს სკეპტიკურად უყურებენ.“ – დასძენენ ექსპერტები.
ანალიტიკოსების განმარტებით, განწყობების მსგავსი სტრუქტურა ზრდის გაგრძელების სასარგებლოდ დამატებით სიგნალად შეიძლება განვიხილოთ, თუმცა შესაძლოა ამას მოკლევადიანი ხასიათი ჰქონდეს.
მანამდე, პლატფორმა Glassnode-ის ექსპერტებმა განაცხადეს, რომ ზრდის ტენდენციის განსავითარებლად ბიტკოინს ლიკვიდობის სტაბილური შემოდინება სჭირდება.
წყარო: https://x.com/santimentfeed/status/2045201001255231881
სიახლეების გამოწერა
