Taproot ბიტკოინის ბლოკჩეინზე წარმატებით გააქტიურდა

Taproot ბიტკოინის ბლოკჩეინზე წარმატებით გააქტიურდა

ბიტკოინის ბლოკჩეინზე კიდევ ერთი ძირითადი სოფთფორკი გააქტიურდა, რომელიც გრძელვადიან პერსპექტივაში   ბლოკჩეინის კონფიდენციალურობისა და სანდოობის გაზრდას ისახავს მიზნად. 

კვირას, 14 ნოემბერს 709 632-ე ბლოკზე ბიტკოინის ბლოკჩეინში ამ წლის ყველაზე დიდი განახლება გააქტიურდა. Taproot  Lightning Network-ისა და Segregated Witness (SegWit) განახლებების შემდეგ ყველაზე მნიშვნელოვანი განახლებაა.

 Taproot განახლება ბიტკოინის პროტოკოლის კონფიდენციალურობისა და უსაფრთხოების გაუმჯობესებას ისახავს მიზნად. სოფთფორკის შედეგად ბლოკჩეინში Schnorr-ის ციფრული ხელმოწერების გამოყენება იქნება შესაძლებელი, რაც შეამცირებს ბლოკჩეინზე დატვირთვას და ამავდროულად მას უფრო მარტივს, ეფექტურსა და უსაფრთხოს გახდის.

ტექნოლოგია ტრანზაქციის დამადასტურებელი რამდენიმე ხელმოწერის ერთ ხელმოწერაში გაერთიანებისთვის მთავარ გასაღებს ქმნის. ეს შესაძლებელს ხდის ტრანზაქციების შესრულებას მრავალი ხელმოწერით და მრავალჯერადი შეყვანით (UTXI) რაც უფრო მოსახერხებელი, სწრაფი და იაფია. Taproot-ის მიზანს ასევე წარმოადგენს Merkelized Abstract Syntax Tree (MAST) კონცეფციის გამოყენებით ბიტკოინის სკრიპტირების ენის გაუმჯობესება. ეს გადაწყვეტა სმარტ კონტრაქტებისთვის ახალ შესაძლებლობებს ქმნის და მათ გლობალურ მასშტაბირებას აადვილებს.

ბიტკოინის დეველოპერმა ჰამპუს სიობერგმა (Hampus Sjöberg) Taproot განახლებაში შემავალი  Merclized Abstract Syntax Trees (MAST) მიზანი განმარტა:

„MAST-ს შეუძლია ხარჯვისას მხოლოდ შესაბამისი მონაკვეთების გამჟღავნებით ჭკვიანი კონტრაქტები უფრო ეფექტური და კონფიდენციალური გახადოს.“

ჰამპუს სიობერგი მიიჩნევს, რომ Taproot-ის მასშტაბის განახლება „100 წელიწადში ერთხელ“ ხდება. Taproot განახლების განსახორციელებლად და 90%-იანი კონსენსუსის მისაღწევად, მაინერებმა და მაინინგ პულებმა  Speedy Trial მეთოდი გამოიყენეს.

წყარო: https://bits.media

ჩინეთში მაღალჩინოსანს მაინინგისთვის სიკვდილით დასჯიან