კრიპტოვალუტები მრავალი ქვეყნის ეკონომიკაში დესტაბილიზაციას ქმნიან

კრიპტოვალუტები მრავალი ქვეყნის ეკონომიკაში დესტაბილიზაციას ქმნიან

აშშ-ის ყოფილი სახელმწიფო მდივნისა და დემოკრატიული პარტიის საპრეზიდენტო კანდიდატის, ჰილარი კლინტონის განცხადებით, ციფრულ აქტივებს მრავალი ქვეყნის ეკონომიკის დანგრევა შეუძლიათ.

კლინტონი კრიპტოვალუტების თემას სინგაპურში მიმდინარე Bloomberg New Economy Forum-ზე დისკუსიის დროს შეეხო.

მთავრობები დღეს მრავალი გამოწვევის წინაშე დგანან, რომელთაგან ერთ-ერთი კრიპტოვალუტებია – აღნიშნა მან. ჰილარი კლინტონის აზრით, ამ ახალი დარგის განვითარება მეტად საინტერესოა, ისევე როგორც კრიპტოვალუტების მოპოვების „არაორდინალური“ მეთოდები. 

თუმცა, ციფრულმა აქტივებმა შესაძლოა აშშ დოლარის, როგორც სარეზერვო ვალუტის როლი შეასუსტონ და ზიანი მიაყენონ მცირე ქვეყნების ეკონომიკას.

განვითარების გარკვეულ ეტაპზე კი მათ შესაძლოა საფრთხე დიდი და განვითარებული ქვეყნების ეკონომიკებსაც შეუქმნან. ამიტომ, მან  მთავრობებს მოუწოდა კრიპტოვალუტის ინდუსტრიის ზედამხედველობას მეტი ყურადღება მიაქციონ.

კრიპტოვალუტებთან დაკავშირებით ანალოგიური შეხედულება აქვს აშშ-ს ყოფილ პრეზიდენტს დონალდ ტრამპსაც.

მას მიაჩნია, რომ კრიპტოვალუტებს შეუძლიათ შეარყიონ დოლარის დამოუკიდებლობა და ქვეყნის ფინანსური სისტემის პარალიზება გამოიწვიონ.

ივნისში ტრამპმა ბიტკოინს „თაღლითობა“ უწოდა და ბიტკოინსა და სხვა კრიპტოვალუტებზე თქვა, რომ მათ ნამდვილი ფულის ფუნქციის შესრულებაში არასტაბილურობა უშლის ხელს. 

თუმცა, ყველა ამერიკელი პოლიტიკოსი არ არის კრიპტოვალუტის წინააღმდეგი. მაგალითად, ამერიკელი სენატორი სინტია ლამისი თვლის, რომ ბიტკოინს შეუძლია დაეხმაროს ადამიანებს მძიმე ფინანსური კრიზის გადალახვაში, თუ ქვეყანა  მთავრობის ვალის გამო გაკოტრდება.

წყარო: https://bits.media/