Western Union-მა საკუთარი სტეიბლკოინის გამოსვლის ვადები დაასახელა

Western Union-მა საკუთარი სტეიბლკოინის გამოსვლის ვადები დაასახელა

საერთაშორისო ფულადი გზავნილების სერვისი Western Union მაისში საკუთარი სტეიბლკოინის – U.S. Dollar Payment Token (USDPT) გამოშვებას გეგმავს. ამის შესახებ კომპანიის გენერალურმა დირექტორმა, დევინ მაკგრანაჰანმა (Devin McGranahan), პირველი კვარტლის შემაჯამებელ კონფერენციაზე განაცხადა.

Western Union USDPT-ის გამოშვებას Anchorage Digital Bank-თან თანამშრომლობით, Solana-ს ბლოკჩეინზე აპირებს. აშშ დოლარით უზრუნველყოფილი სტეიბლკოინი პირველად 2025 წლის ოქტომბერში დაანონსდა. მომავალი ემიტენტის განცხადებით, ტოკენი ამჟამად მოსამზადებელ დასკვნით ეტაპზეა. მაკგრანაჰანის თქმით, USDPT-ს საერთაშორისო საბანკო გადარიცხვების სისტემა SWIFT-ის ალტერნატივად განიხილავენ – მისი მეშვეობით  Western Union-ით განხორციელებული ტრანსსასაზღვრო გზავნილები უფრო სწრაფი და იაფი უნდა გახდეს.

USDPT  სპეციალურად ბიზნეს-ოპერაციებისთვის შემუშავდა და  კერძო მომხმარებლებისთვის არ ყოფილა გათვლილი. საფულისა და საგადახდო API-ების დასანერგად Western Union-მა ხელშეკრულება სერვის Crossmint-თანგააფორმა. ფინტექ-პლატფორმებსა და სხვა მომხმარებლებს ტრანზაქციების Solana-ს ბლოკჩეინში განხორციელებას შესთავაზებენ, რის შემდეგაც ციფრული აქტივების ადგილობრივ ვალუტაში კონვერტაცია Western Union-ის საგადახდო ინფრასტრუქტურის მეშვეობით მოხდება.

საგადახდო გიგანტი ასევე ციფრული აქტივების ქსელის – Digital Asset Network (DAN) ამოქმედებას გეგმავს, სადაც მომხმარებლებს ციფრული აქტივების ნაღდ ფულში კონვერტაცია შეეძლებათ. დეველოპერების მოლოდინით, USDPT და DAN ტრადიციულ საკორესპონდენტო საბანკო სისტემებზე დამოკიდებულებას შეამცირებს.

გარდა ამისა, წლის ბოლომდე Western Union USD სტაბილური ბარათის გამოშვებისთვის ემზადება, რომელიც ინფლაციისადმი მგრძნობიარე ბაზრებზეა ორიენტირებული, სადაც მომხმარებლები შესყიდვებისთვის დოლარს იყენებენ. დეველოპერები გვპირდებიან, რომ ბარათი მომხმარებლებს თანხების კრიპტოვალუტაში შენახვისა და გლობალურად დახარჯვის შესაძლებლობას მისცემს.

გასულ წელს Mastercard-ის კრიპტოვალუტებისა და ბლოკჩეინის განვითარების განყოფილების დირექტორმა, რაჯ დამოდარანმა (Raj Dhamodharan) აღნიშნა, რომ სტეიბლკოინები, ტოკენიზაცია და ბლოკჩეინი საბანკო ბაზარს სულ უფრო მჭიდროდ უკავშირდება. მისი თქმით, ეს კრიპტოინდუსტრიის მიმართ მკაფიო მოთხოვნების შემუშავებას უკავშირდება.