ევროსაბჭომ კრიპტოვალუტების რეგულირების ორი წესი დაამტკიცა

ევროსაბჭომ კრიპტოვალუტების რეგულირების ორი წესი დაამტკიცა

ევროპული საბჭო ევროპარლამენტთან მოლაპარაკებასა და კრიპტოაქტივების ბაზრისთვის მარეგულირებელი ჩარჩოს შექმნისთვის სამწლიან მანდატს ჩამოაყალიბებს.

ევროკავშირში კრიპტოვალუტის რეგულირების კანონპროექტი (MiCA) ინვესტორებისა და მომხმარებლების თაღლითობისგან დასაცავად შეიქმნა. ის იძლევა გარანტიას, რომ კიბერთავდასხმის შემთხვევაში ინვესტორების ფულს საფრთხე არ შეექმნება.

თუ ხელისუფლება ჩათვლის, რომ კონკრეტული ვირტუალური ვალუტის გადამცვლელი პლატფორმა საფრთხეს წარმოადგენს, მას MiCA-ს შესაბამისად მათი აკრძალვა შეეძლება.

MiCA-ს კიდევ ერთი მთავარი მიზანი სტეიბლკოინების ემიტენტების მართვაა, რაც გამოწვეულია Facebook-ის განზრახვით, შექმნას სტეიბლკოინი Libra (Novi), რომელიც, როგორც ვარაუდობენ, ევროპის ეკონომიკის ფინანსურ სტაბილურობას საფრთხეს შეუქმნის.

ევროპის ცენტრალური ბანკის (ECB) განცხადებით, ახალი წესები მომხმარებელთა უსაფრთხოების უზრუნველსაყოფად საგადახდო სერვისების პროვაიდერებისთვის სტანდარტებს დააწესებს.

საკანონმდებლო ჩარჩოში შესული იქნება კორპორატიულ და რისკების მართვასთან დაკავშირებული დებულებები, ასევე ისეთი სერვისების მიწოდების აკრძალვა,

როგორიცაა მაღალი რისკის მქონე გადახდის ინსტრუმენტები.

დოკუმენტში რამდენიმე გამონაკლისი იქნა შეტანილი. საბჭო შეთანხმდა იმაზე, რომ თუ აქტივებთან მიბმული ტოკენები, ევროკავშირის კაპიტალის მიმართ მოთხოვნებთან იქნება შესაბამისობაში, MiCA-ს შესაბამისი კიდევ ერთი ნებართვის აღება საჭირო აღარ იქნება.

MiCA-ს თანახმად, ბანკები და სხვა ფინანსური ინსტიტუტები, რომლებიც სტეიბლკოინების ანგარიშსწორების სერვისებს უზრუნველყოფენ, კაპიტალის მოთხოვნებისგან უნდა გათავისუფლდნენ .

კანონპროექტი კრიპტოაქტივების ევროპული ბაზრის შესახებ ჯერ კიდევ 2020 წლის სექტემბერში გამოვიდა, როგორც უფრო დიდი ციფრული ფინანსური ინიციატივის ნაწილი.

წყარო: https://bits.media/