Qihoo 360-ის პროგრამა ჩინეთში მაინერებს გამოავლენს

Qihoo 360-ის პროგრამა ჩინეთში მაინერებს გამოავლენს

 ანტივირუსების დეველოპერმა ჩინურმა კომპანიამ Qihoo 360 შექმნა პროგრამული უზრუნველყოფა, რომელიც ჩინეთის მთავრობას მაინინგის აკრძალვასთან დაკავშირებული ზომების გატარებაში დაეხმარება.

ჩინურმა კომპანიამ Qihoo 360, რომელიც ანტივირუსულ პროგრამებს შეიმუშავებს, გამოაცხადა ისეთი სისტემის შექმის შესახებ,

რომელიც კრიპტოვალუტების მაინინგის პროცესის მონიტორინგს მოახდენს და ჩინეთის მთავრობას „თაღლითებთან“, სხვაგვარად კი – მაინერებთან ბრძოლაში დაეხმარება.

მონიტორინგის სისტემა მიზნად ისახავს სამთავრობო უწყებებისა და კომპანიების კონტროლს, რომლებიც მაინინგის წინააღმდეგ ჩინეთის ბოლოდროინდელი რეგულაციების შესრულებას აპირებენ. განცხადების თანახმად, ახალ პროგრამას მაინინგ პულების IP მისამართების, გეოგრაფიული მდებარეობის, ქსელის ტიპისა და კავშირის სიხშირის აღმოჩენა და პრობლემის აღმოფხვრის მეთოდების შეთავაზება შეუძლია. 

გასულ კვირას DNS-ზე შეტევის გამო ჩინელმა მომხმარებლებმა რამდენიმე უმსხვილეს მაინინგ პულთან დაკავშირება ვერ შეძლეს.

ამ ტიპის შეტევა იმის მანიშნებელია, რომ პულის დომენური სახელების მოთხოვნაზე საპასუხოდ  სერვერების განლაგების რეალური IP მისამართები არ არის მითითებული.

Qihoo 360-ის მონაცემებით, ნოემბერში მაინინგისთვის ყოველდღიურად აქტიური იყო საშუალოდ 109,000 IP მისამართი, ძირითადად გუანგდონგის, ჯიანგსუს, ჟეჟიანგის და შანდონგის პროვინციებში. მაინერები სახლის  ქსელს და სპეციალიზირებულ ინტერნეტ კავშირებსა და მონაცემთა დამუშავების ცენტრებს იყენებენ.

რამდენიმე დღის წინ ჩინეთის სახალხო ბანკის ფულის გათეთრებასთან ბრძოლის მონიტორინგისა და ანალიზის ცენტრის დირექტორმა გუო ვენჯუნმა (Guo Wenjun) მთავრობას კრიპტოვალუტებისა და NFT-ს უკანონო გამოყენების წინააღმდეგ ბრძოლის სისტემის შემუშავებაისკენ  მოუწოდა.

გუო ვენჯუნის განცხადებით,  კრიპტოვალუტები ფულის უკანონო შეგროვების, ფინანსური პირამიდებისა და თაღლითობისთვის ხელსაყრელ ინსტრუმენტად გადაიქცა.

წყარო: https://bits.media