ტრამპთან დაკავშირებულმა Trump Media-მ კრიპტოინვესტიციებზე $405 მილიონზე მეტი დაკარგა

Trump Media-ის კრიპტოინვესტიციებმა დიდი ზარალი გამოიწვია

Trump Media & Technology Group-მა, რომელიც სოციალური პლატფორმა Truth Social-ს ფლობს, 2026 წლის პირველი კვარტლის განმავლობაში დაახლოებით $405.9 მილიონიანი ზარალი დააფიქსირა. ამის შესახებ Bloomberg-მა კომპანიის ფინანსურ ანგარიშზე დაყრდნობით გაავრცელა ინფორმაცია.

კომპანიის საკონტროლო პაკეტის 53%-ს აშშ-ის პრეზიდენტი Donald Trump ფლობს.

ზარალის მთავარი მიზეზი — Bitcoin-ის ფასის ვარდნა

ანგარიშის მიხედვით, დაახლოებით $370 მილიონი უკავშირდება კრიპტოვალუტებისა და აქციების გადაფასებას. ძირითადი დანაკარგი გამოწვეულია კომპანიის ბალანსზე არსებული ციფრული აქტივების ღირებულების შემცირებით.

გასული წლის ზაფხულში Trump Media-მ 11,500-ზე მეტი Bitcoin შეიძინა. საშუალო შესყიდვის ფასი ერთ მონეტაზე დაახლოებით $108,500 იყო, ხოლო საერთო ინვესტიციის მოცულობამ $1.37 მილიარდს გადააჭარბა.

მოგვიანებით, ბაზრის ვარდნის ფონზე, კომპანიის კრიპტოაქტივების ღირებულება 30%-ზე მეტით შემცირდა და დაახლოებით $950 მილიონამდე დაეცა.

Trump Media-მ Bitcoin-ის ნაწილი გაყიდა

2026 წლის თებერვლის ბოლოს კომპანიამ დაახლოებით 2000 Bitcoin გაყიდა. იმ პერიოდში BTC-ის ფასი $70,000-ზე ოდნავ ნაკლები იყო.

CoinGecko-ის მონაცემებით, ამჟამად Trump Media-ის ბალანსზე დაახლოებით 9500 Bitcoin რჩება.

აქციების ფასიც მკვეთრად დაეცა

კრიპტობაზარზე არსებული bearish ტენდენცია კომპანიის აქციებზეც აისახა. 2022 წლიდან დღემდე Trump Media-ის აქციების ფასი 90%-ზე მეტით შემცირდა.

თუ 2022 წელს ერთი აქციის ღირებულება $97-ს აჭარბებდა, ახლა მისი ფასი დაახლოებით $8.93-ს შეადგენს.

მიუხედავად ზარალისა, კომპანიამ ფინანსური ზრდაც აჩვენა

მიუხედავად კრიპტოინვესტიციებით მიღებული დიდი დანაკარგებისა, კომპანიამ სხვა ფინანსურ მაჩვენებლებში ზრდა დააფიქსირა.

პირველი კვარტლის ოპერაციულმა ფულადმა ნაკადმა $17.9 მილიონი შეადგინა, ხოლო ფინანსური აქტივების მოცულობა $2.1 მილიარდამდე გაიზარდა — რაც გასული წლის ანალოგიურ პერიოდთან შედარებით თითქმის სამჯერ მეტია.

არტურ ჰეისი: ტრამპის კრიპტოინტერესი ბანკებთან კონფლიქტს უკავშირდება

Arthur Hayes-ის განცხადებით, დონალდ ტრამპის კრიპტოინდუსტრიის მხარდაჭერა მხოლოდ პოლიტიკური დაპირება არ ყოფილა.

მისი აზრით, ტრამპის ოჯახის საბანკო აქტივების გაყინვამ პოლიტიკოსს კრიპტოვალუტების მიმართ ინტერესი გაუჩინა, რადგან ციფრული აქტივები ნაკლებად ექვემდებარება სახელმწიფოს პირდაპირ კონტროლს.

წყარო:https://www.reddit.com/r/politics/comments/1tad6tq/trump_media_posts_405_million_loss_driven_by/