მთავრობა კრიპტოკომპანიების რეგისტრაციას აჭიანურებს

მთავრობა კრიპტოკომპანიების რეგისტრაციას აჭიანურებს – სინტია ლამისი 

სინტია ლამისი Fed-ის თავმჯდომარედ ჯერომ პაუელისა და მისი მოადგილის ლაელ ბრეინარდის ხელახლა დანიშვნას კრიპტოვალუტებთან მათი ურთიერთობის გამო მხარს არ უჭერს.

 ვაიომინგის სენატორის სინტია ლამისის (Cynthia Lummis) განცხადებით, ის აშშ-ს ფედერალური სარეზერვო სისტემის (FED) თავმჯდომარედ ჯერომ პაუელის (Jerome Powell) ხელახლა დანიშვნის  წინააღმდეგი იქნება.

ის მზადაა მის წინააღმდეგ ხმის მიცემისკენ სხვა სენატორებსაც მოუწოდოს, თუ ფედერალური რეზერვი ვაიომინგში კრიპტოვალუტის კომპანიების დაკანონების შესახებ გადაწყვეტილებას მალე არ მიიღებს.

წერილობით განცხადებაში ლამისმა აღნიშნა, რომ გასული წლის განმავლობაში, მისი Fed-ის მიმართ ნდობა კრიპტოვალუტების საკითხის მიმართ დამოკიდებულებამ ეჭვ ქვეშ დააყენა. 

მისი განმარტებით, 2019 წელს ვაიომინგმა  მკაცრად რეგულირებული საბანკო სტრუქტურა შექმნა.

დაიწყო Fed-თან მოლაპარაკება იმის თაობაზე, შეიძლება თუ არა კრიპტოვალუტის კომპანიები ჩაითვალონ ბანკებად და მიიღონ წვდომა ფედერალურ გადახდის სისტემაზე.

შედეგად,  კრიპტო ბირჟა Kraken და კრიპტოვალუტის ბანკი Avanti, რომელმაც 2020 წელს ვაიომინგის მარეგულირებლისგან სპეციალური SPDI ლიცენზია მიიღო, Fed-ის მიერ ჯერ  რეგისტრირებული არ არის.

რადგან, მარეგულირებლის თქმით, ჯერ კიდევ უცნობია კვალიფიცირდება თუ არა ისინი ბანკებად.

ლამისი მიიჩნევს, რომ რეგისტრაციის გაჭიანურება დანაშაულია, რადგან 1994 წლის აშშ-ს კონგრესის მოთხოვნით, FED-ს ყველა საბანკო განაცხადზე გადაწყვეტილების გამოტანა ერთი წლის ვადაში ევალება.

სენატორის თქმით,  კრიპტოვალუტის ინდუსტრიის მიმართ Fed-ის ამჟამინდელი პოლიტიკის გათვალისწინებით,

იგი პაუელისა და ლაელ ბრეინარდის (Lael Brainard) კანდიდატურების პოსტებზე ხელახალი წარდგენით შეშფოთებულია.

ვაიომინგის შტატი კრიპტოვალუტების მიმართ საკმაოდ ლოიალურია. აგვისტოში შტატმა მის იურისდიქციაში მაინერებისა და კრიპტოვალუტის კომპანიების მოზიდვის ხელშემწყობი საკანონმდებლო ცვლილებები მიიღო.

ივლისში ვაიომინგის მარეგულირებლებმა აშშ-ში პირველი ავტონომიური დეცენტრალიზებული ორგანიზაციის CryptoFed DAO-ს საქმიანობა დააკანონეს.

თუმცა, აშშ-ს მარეგულირებლები ვაიომინგის კრიპტოვალუტების მიმართ თავისუფალი პოლიტიკით კმაყოფილი არ არიან.

ოქტომბერში, აშშ-ს ფასიანი ქაღალდებისა და ბირჟის კომისიამ (SEC) DAO American CryptoFed-ისგან ტოკენის რეგისტრაციის მოთხოვნა არ დაამტკიცა, იმ მიზეზით, რომ კომპანიის მიწოდებულ ინფორმაციას ინვესტორები შეცდომაში შეყავდა.

წყარო: https://bits.media