Celsius-მა დამფუძნებელს პლატფორმიდან ამოღებული თანხების დაბრუნება მოსთხოვა
გაკოტრებული კრიპტოკრედიტორ Celsius-ის წარმომადგენლებმა სასამართლოს მილიონობით დოლარის დასაბრუნებლად მიმართეს. მათი აზრით, კომპანიას ზარალი მისი დამფუძნებლის არაკომპეტენტური ქმედებების გამო მიადგა.
კომპანიის ადვოკატებმა სასამართლოს ზიანის ანაზღაურების შესახებ დოკუმენტაცია წარუდგინეს.
დოკუმენტებში ნათქვამია, რომ აღმასრულებელი დირექტორი ალექს მაშინსკი (Alex Mashinsky), რომელმაც პოსტი სექტემბერში დატოვა, სხვა ტოპ მენეჯერებთან ერთად კომპანიის ბიზნესს არაკომპეტენტურად წარმართავდა.
ისინი ტოკენ CEL-ის ფასით მანიპულირებდნენ და დაუფიქრებელი და გაუაზრებელ ინვესტიციებს ხორციელებდნენ. მათი ქმედებების შედეგად, კრიპტოკრედიტორმა წელიწადში 1 მილიარდ დოლარზე მეტი დაკარგა.
კომპანია მაშინსკისგან Celsius-იდან გამოტანილი 2,8 მილიონი დოლარის დაბრუნებას ითხოვს, ხოლო მისი მეუღლე კრისი მაშინსკისგან (Krissy Mashinsky) – დამატებით 4,9 მილიონს.
სარჩელის ავტორები ამტკიცებენ, რომ კომპანიის სხვა თანამშრომლების მიერ გამოტანილი 25 მილიონ დოლარზე მეტი ასევე უნდა დაბრუნდეს.
მაშინსკიმ პლატფორმიდან 10 მილიონი დოლარი იქამდე გამოიტანა, სანამ Celsius ოპერაციებს შეაჩერებდა.
თუმცა, დამფუძნებლის წარმომადგენლების გაცხადებით, ეს თანხები გეგმიური გადასახადებისთვის იყო განკუთვნილი.
ივლისში, Celsius-მა გადახდის ფინანსური უუნარობის შესახებ აშშ-ის გაკოტრების კოდექსის მე-11 თავის შესაბამისად განაცხადა. კომპანიას რესტრუქტურიზაციის გეგმა ოთხ თვეში უნდა წარედგინა, თუმცა ვადის გახანგრძლივების მოთხოვნით სასამართლოს მალევე მიმართა. სასამართლო თარიღის გადადებას 2023 წლის 15 თებერვლამდე დათანხმდა. თუმცა, Celsius-ის ადვოკატებმა შემდეგ კიდევ 44 დღე მოითხოვეს.
კომპანიის ხელმძღვანელობას ვადის გადადების თაობაზე კენჭისყრის გადატანა 30 ივნისამდე სურდა.
კრიპტოკრედიტორის იურისტების განმარტებით, გადავადებას დიდი მნიშვნელობა ჰქონდა, რადგან პლატფორმას სიტუაციის მოგვარებისთვის მეტი დრო და შესაძლებლობა ექნებოდა.
საპასუხოდ, აშშ-ს ხელისუფლებამ და კრედიტორების კომიტეტმა Celsius Network-ის წინააღმდეგ რესტრუქტურიზაციის გეგმის კენჭისყრის თარიღის გადადებასთან დაკავშირებით საჩივარი შეიტანეს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)