ერიკ ტრამპის კომპანიას სურს ბიტკოინის შესყიდვებით Strategy-ს გადაუსწროს

ერიკ ტრამპის კომპანიას სურს ბიტკოინის შესყიდვებით Strategy-ს გადაუსწროს

პრეზიდენტ დონალდ ტრამპის ვაჟმა და მაინინგ კომპანია American Bitcoin-ის თანადამფუძნებელმა, ერიკ ტრამპმა (Eric Trump) ისაუბრა სტრატეგიაზე, რომლის მეშვეობითაც მისი კომპანია მთავარი კონკურენტის უკან ჩამოტოვებას აპირებს.

ტრამპ უმცროსის განცხადებით, მისი კომპანიის მიზანია ბიტკოინების უმსხვილეს საჯარო მფლობელს – მაიკლ სეილორის (Michael Saylor) კომპანია MicroStrategy-ის გადაასწროს.

პლატფორმა BitcoinTreasuries-ის მონაცემებით, MicroStrategy-მ  უკვე 818,869 ბიტკოინი დააგროვა, მაშინ როცა American Bitcoin,  კორპორატიულ მფლობელებს შორის მხოლოდ მე-16 ადგილს იკავებს. მიუხედავად ამისა, ამერიკის პრეზიდენტის ვაჟი მიიჩნევს, რომ მისი კომპანია MicroStrategy-ის „სხვა რბოლაში“ აჯობებს.

„მაიკლ სეილორმა წარმოუდგენელ შედეგებს მიაღწია. თუმცა, არსებობს კიდევ ერთი შეჯიბრი – ვინ შეძლებს ყველაზე მეტი ბიტკოინის შეძენას ყველაზე დაბალ ფასად. American Bitcoin-ს სწორედ ამ რბოლაში გამარჯვება და პირველი ადგილის დაკავება სურს.“ – განაცხადა ერიკ ტრამპმა.

უმცროსი ტრამპის თქმით, კომპანია ბიტკოინის რეზერვების გაზრდას აპირებს და მოპოვებული მონეტების ბაზარზე გაყიდვას არ გეგმავს. კითხვაზე, თუ რა ვითარებაში შეიძლება დაიწყოს გაყიდვა, ერიკ ტრამპმა პირობა დადო, რომ ეს რაიმე კატასტროფის შემთხვევაშიც კი არ მოხდება:

„ჩვენი კომპანიის ერთადერთი მიზანი ბიტკოინის აქტივების გაზრდაა. ჩვენ გვჯერა ბიტკოინის. რაც არ უნდა მოხდეს, ჩვენ  კრიპტოვალუტის შენარჩუნებას ვაპირებთ.“

ამჟამად კომპანია 90,000-ზე მეტ მაინინგ მოწყობილობას აკონტროლებს. American Bitcoin-ზე ბიტკოინის მოპოვების მსოფლიო სიმძლავრეების დაახლოებით 2.5–3% მოდის, ხოლო მის მფლობელობაში უკვე 7,300 BTC-ია.

ერიკ ტრამპმა ბიტკოინს ინფლაციისა და კორუფციისგან დაცვის საუკეთესო საშუალება უწოდა. მისი თქმით, გადახდებისა და ფულადი გზავნილების სისწრაფის გაზრდით კრიპტოვალუტებს ფინანსური სისტემის მნიშვნელოვნად გააუმჯობესება შეუძლიათ.