ბიტკოინი ნებისმიერ შემთხვევაში გამოუსადეგარია
ინგლისის ბანკის თანამშრომელმა თომას ბელშამმა გამოაქვეყნა მასიური სტატია იმის შესახებ, თუ რამდენად უსარგებლოა ბიტკოინი მისი გამოყენების ყველა შემთხვევაში.
თავის სტატიაში თომას ბელშამი (Thomas Belsham) განმარტავს, რომ ჩვეულებრივ, ბიტკოინის გამოყენების სამი შესაძლო გზა განიხილება : საზომი ერთეული, გაცვლის საშუალება და დაგროვების საშუალებება.
ინგლისის ბანკის მედიისა და დაინტერესებულ მხარეებთან ურთიერთობის დეპარტამენტის თანამშრომლის თქმით, ბიტკოინი ვერ იქნება საზომი ერთეული,
რადგან, მისი განმარტებით, ბიტკოინებით მხოლოდ ბიტკოინები იზომება. ჯერჯერობით არავინ ზომავს ბიტკოინებში, მაგალითად, საფონდო ბაზრის კაპიტალიზაციას.
რაც შეეხება გაცვლის საშუალებას, ბელშამის აზრით, პირველი კრიპტოვალუტის ერთადერთი შინაგანი ღირებულება შეიძლება ემისიის შეზღუდვას ეწოდოს. და ეს შეიძლება პრობლემა გახდეს :
„რა მოხდება ბოლო ბიტკოინის მოპოვების შემდეგ? ჯერ არ არის ცნობილი. მაინერები ახლა ბლოკის შექმნისთვის ჯილდოს სახით ყოველდღიურად BTC-ში დაახლოებით 47 მილიონ დოლარს იღებენ. ტრანზაქციის საშუალო საკომისიო 1,88 დოლარს შეადგენს და როდესაც ბლოკისთვის ჯილდო აღარ იქნება, საკომისიომ 223 დოლარს უნდა მიაღწიოს, რათა მაინერებისთვის მსგავსი შემოსავალი უზრუნველყოს.“
ასეთი მაღალი საკომისიოები ბოლოს მოუღებს BTC-ის გამოყენებას ფულადი გზავნილებისა და გაცვლისთვის.
ეს კი შემოსავლის შემცირებას გამოიწვევს და მაინერები აღჭურვილობას სხვა კრიპტოვალუტის წარმოებაზე გადაყვანენ. თავის მხრივ, ამან ბიტკოინის განაწილებული რეესტრის უსაფრთხოებას შეიძლება შეუქმნას საფრთხე.
ხოლო დაგროვებისთვის პირველი კრიპტოვალუტა მისი ვოლატილობის გამო არ შეიძლება გამოვიყენოთ.
„2015 წლიდან BTC-ის საშუალო დღიურმა ვოლატილობამ 3.5% შეადგინა. ეს იგივე პერიოდის S&P500-ის მაჩვენებელს ოთხჯერ აღემატება“ – წერს ბელშამი.
შეგახსენებთ, რომ ნოემბრის შუა რიცხვებში საინვესტიციო კომპანია Skybridge Capital-ის დამფუძნებელმა ენტონი სკარამუჩიმ განაცხადა, რომ ბიტკოინის კურსმა შესაძლოა მალე 500 000 დოლარს მიაღწიოს.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)