CBDC კრიპტოვალუტებისგან იზოლირებული არ უნდა იყოს

CBDC კრიპტოვალუტებისგან იზოლირებული არ უნდა იყოს 

კრიპტოვალუტის ბირჟა Binance-ის დამფუძნებლის განცხადებით, ცენტრალური ბანკების ციფრული ვალუტების ემიტენტებმა ისინი მთლიანი კრიპტოვალუტის ინდუსტრიისგან არ უნდა გამოყონ.

ჩენპენ ჯაოს (Changpeng  Zhao) ვარაუდით, ცენტრალური ბანკების მიერ ციფრული ვალუტების გამოყენება ეკონომიკაზე დადებით გავლენას მოახდენს. ის ემიტენტებს აფრთხილებს ცენტრალური ბანკის ციფრული ვალუტების იზოლირება არ მოხდინონ. ჯაოს აზრით, ეს  სხვადასხვა ქვეყნების მთავრობებისთვის დამატებითი ინსტრუმენტია და ეს ინსტრუმენტი რომ არ არსებობდეს მდგომარეობა ბევრად უარესი იქნებოდა.

„მთავრობებს და მარეგულირებელ ორგანოებს საკუთარი ციფრული ვალუტების შექმნა სურთ და მე ვაფრთხილებ მათ ეს ვალუტები არ შეზღუდონ“- წერს ის.

როგორც ჯაომ აღნიშნა, გარკვეული ტიპის ტრანზაქციების განსახორციელებლად CBDC-ით სარგებლობისთვის ბირჟას შესაძლოა ნებართვის მოპოვება დასჭირდეს. იმის გამო, რომ ცენტრალური ბანკების ციფრული ვალუტებით სარგებლობისთვის ლიცენზიის აღების პროცესი საკმაოდ ხანგრძლივი შეიძლება აღმოჩნდეს, ინტეგრაცია გაჭიანურდება. ამიტომ Binance-ის დამფუძნებელი CBDC-სთან მიმართებში თავისუფალი კრიპტოვალუტების უპირობო უპირატესობას ხედავს.

„თქვენ ვერ შეიტყობთ ბლოკჩეინის შესახებ ბიტკოინის შესწავლის გარეშე. და როცა ბიტკოინს შეისწავლით, გაიგებთ ფულის ფუნდამენტურად აუცილებელი თვისებების – დეფიციტის, ტრანზაქციების თავისუფლებისა და დაბალი საკომისიოს შესახებ.“

ჩენპენ ჯაომ სახელმწიფო კრიპტოვალუტების ძირითადი მახასიათებლები აღნიშნა.

1. პირველი – შეუზღუდავი მიწოდება. ცენტრალურ ბანკებს მათი შეუზღუდავი რაოდენობით გამოშვება შეუძლიათ, რამაც შესაძლოა ინფლაცია გამოიწვიოს.
2. მეორე – მომხმარებლებს ფულით სარგებლობისთვის ცენტრალული ბანკის ნებართვა დასჭირდებათ.
3. მესამე – ტრანზაქციებზე მაღალი საკომისიო.  უმეტესი კრიპტოვალუტებისგან განსხვავებით, ტრანსსასაზღვრო გადარიცხვების დროს საკომისიო შესაძლოა განსაკუთრებით გაიზარდოს.
4. მეოთხე – მთავრობებს საკუთარი ციფრული ვალუტების მხარდასაჭერად ბიტკოინისა და სხვა დამოუკიდებელი კრიპტოვალუტების აკრძალვა შეუძლიათ.

ცოტა ხნის წინ ჯაომ Binance-ზე ლისტინგისთვის აუცილებელი პირობა დაასახელა – ეს აქტივის პოპულარობაა. ის არც სახელმწიფო კციფრული ვალუტების ლისტინგის შესაძლებლობებს უარყოფს. 

წყარო: https://bits.media/