CoinMarketCap მცდარი მონაცემების გამოქვეყნებაში დაადანაშაულეს

CoinMarketCap მცდარი მონაცემების გამოქვეყნებაში დაადანაშაულეს

Crypto.com-ის ხელმძღვანელმა CoinMarketCap იმის გამო გააკრიტიკა, რომ მას „ სავაჭრო მონაცემების რეალური სურათის ასახვის უნარი არ გააჩნია“და ბაზრის მონაწილეები შეცდომაში შეჰყავს.

კრიპტოვალუტის ბირჟის Crypto.com-ის აღმასრულებელმა დირექტორმა კრის მარშალეკმა (Kris Marszalek) ანალიტიკური სერვისი CoinMarketCap კრიპტო ბაზრის მონაწილეებისთვის ბირჟის ვაჭრობის მოცულობის შესახებ არასწორი მონაცემების მიწოდებისთვის გააკრიტიკა.

მარშალეკმა თავისი მიმართვა Twitter-ზე გამოაქვეყნა.

მისი თქმით, პორტალის გუნდმა კრიპტოვალუტის ბირჟების რეიტინგში Crypto.com-ი მე-14-ე ადგილზე დაუსაბუთებლად განათავსა.

მიმართვის გამოქვეყნების მომენტისთვის, Crypto.com-ის რეიტინგი CoinMarketCap-ის მოკლე სიაში კიდევ ერთი პუნქტით დაეცა და ბოლო 24 საათის განმავლობაში 1,47 მილიარდი დოლარის ვაჭრობის მოცულობით მე-15 ადგილზე განთავსდა. 

იმავდროულად, პორტალ CoinGecko-ს ალტერნატიული მონაცემებით, Crypto.com-ის ვაჭრობის მოცულობამ ბოლო 24 საათის განმავლობაში 2,5 მილიარდი დოლარი შეადგინა, რაც ბირჟას Binance-ის შემდეგ მეორე ადგილზე აყენებს.

Merry Christmas to team @CoinMarketCap who a week after my response to their poorly worded tweet arbitrarily reduced our exchange ranking to 14th 😁

We are 2nd/3rd on @coingecko so you guys know where to look for real and market neutral data 🤣

— Kris | Crypto.com (@kris) December 25, 2021

საინტერესო Crypto.com-ის მომხმარებლებლების გამოხმაურება იყო, რომლებმაც ბირჟის აღმასრულებელი დირექტორის ტვიტის კომენტარებში უამრავი საჩივარი დატოვეს.

მათი პრეტენზიები ძირითად ტექნიკურ მხარდაჭერასა და დასმულ კითხვებზე პერსონალის მხრიდან დაგვიანებულ პასუხებს ეხებოდა.

მარშალეკი ვარაუდობს, რომ ინფორმაციის შეუსაბამო ასახვა და ბირჟის რეიტინგის თვითნებური დაქვეითება CoinMarketCap-ის მუშაობის ბოლოდროინდეს შეფერხებას მოჰყვა.

2021 წლის 15 დეკემბერს  ანალიტიკური სერვისის მუშაობაში ადგილი ფართომასშტაბიან შეფერხებას ჰქონდა, რამაც სერვერების გადატვირთვის აუცილებლობა წარმოშვა და იმ სერვისებზე, რომლებიც პორტალის მონაცემებზეა დამოკიდებული ნეგატიურად აისახა.

წყარო: https://bits.media/