მილიარდერი რეი დალიო საკოლექციო ტოკენებით დაინტერესდა

მილიარდერი რეი დალიო საკოლექციო ტოკენებით დაინტერესდა

მილიარდერმა და Bridgewater Associates-ის დამფუძნებელმა რეი დალიომ კრიპტოვალუტების მიმართ  თავისი პოზიტიური დამოკიდებულება კიდევ ერთხელ გამოხატა  და განაცხადა, რომ  საკოლექციო ტოკენების (NFT) სფეროთი არის დაინტერესებული.

ლექს ფრიდმანთან (Lex Fridman) პოდკასტის დროს, კრიპტოვალუტის ენთუზიასტმა ბიტკოინს „ალტერნატიული ფული“ უწოდა და ხაზგასმით აღნიშნა,

რომ ფიატური ფული  უახლოეს მომავალში დიდი ზეწოლის ქვეშ იქნება. მისი აზრით, გადახდის საშუალებებს შორის კონკურენცია გაგრძელდება, ბიტკოინს კი საფრთხე კონკურენტი აქტივებისგან შეექმნება. 

„ბიტკოინი ამ შეჯიბრის ნაწილი გახდება. იქნება ბევრი განსხვავებული ფული და არა მხოლოდ კრიპტოვალუტები“- თქვა რეი დალიომ (Ray Dalio).

მისი აზრით, საკუთარი განსაკუთრებული ღვაწლი საკოლექციო ტოკენებსაც ექნებათ. 2021 წელს NFT-ებმა დიდი პოპულარობა მოიპოვეს და, მიუხედავად იმისა,

რომ მილიარდერს ჯერ მათში ინვესტიცია არ ჩაუდია, ეს სფერო მისთვის უაღრესად საინტერესოა.

„აუცილებლად მინდა ვიყიდო NFT. ეს სფერო უკვე ვითარდება, ის რეალურია“, – განაცხადა მან.

ამავდროულად, დალიო როგორც სიმდიდრის შესანახ აქტივს, უპირატესობას ოქროს ანიჭებს, რადგან ეს ძვირფასი ლითონი დაგროვების საშუალებას ათასობით წლის მანძილზე წარმოადგენდა.

დალიოს აზრით, ოქროს ბიტკოინთან შედარებით კიდევ ერთი უპირატესობა აქვს  – პირველი კრიპტოვალუტის ბლოკჩეინში ტრანზაქციები  გამჭვირვალეა, ოქროს შესყიდვისა და გადაადგილებისთვის თვალყურის მიდევნება კი გაცილებით რთულია.

Bridgewater Associates-ის დამფუძნებლის განცხადებით, მას ვერ წარმოუდგენია ბიტკოინის კურსმა 1 მილიონ დოლარს მიაღწიოს, რადგან მაშინ პირველი კრიპტოვალუტის კაპიტალიზაცია  დაახლოებით 20 ტრილიონი დოლარი იქნება, რაც ოქროზე ორჯერ მეტია. მას ასეთი სიტუაცია უბრალოდ ვერ წარმოუდგენია.

დალიოს ადრეც უთქვამს, რომ კრიპტოვალუტებში ინვესტიცია ნებისმიერი ინვესტორისთვის ღირებული იქნება და რომ ციფრული აქტივები პორტფელის დივერსიფიკაციისთვის შესანიშნავი ინსტრუმენტია.

წყარო: https://bits.media/