Solana-ს კრიპტოვალუტა შესაძლოა 10600%-ით გაიზარდოს
კომპანია VanEck-ის ანალიტიკოსების აზრით, Solana-ს ბლოკჩეინი გახდება პირველი ქსელი, რომლის მომხმარებელთა რაოდენობაც 100 მილიოს მიაღწევს. მისი მონეტა SOL-ის ღირებულება კი 2030 წლისთვის 32 დოლარიდან 3211 დოლარამდე გაიზრდება.
ექსპერტების მტკიცებით, Solana ეთერიუმის ძლიერ კონკურენტად ყალიბდება და კაპიტალიზაციის თვალსაზრისით, შესაძლოა მეორე კრიპტოვალუტას გაუსწროს კიდეც. ამავდროულად, სამომავლოდ Solana-ს ქსელმა შესაძლოა Ethereum-ისგან დისტანცირება მოახდინოს, რათა ხაზი გაუსვას საკუთარ უპირატესობებს – ტრანზაქციის დამუშავების სისწრაფესა და მასშტაბირებას.
ახლა Solana-ს ბლოკჩეინზე დაფუძნებულ პროექტებში ბლოკირებული თანხების ჯამური ოდენობა 378 მილიონ დოლარს შეადგენს. წლის დასაწყისიდან მონეტა SOL-ის კურსი 200%-ით გაიზარდა და მისი ამჟამინდელი ფასი 32 დოლარს შეადგენს. თუმცა, VanEck-ის ანალიტიკოსების აზრით, უახლოეს მომავალში SOL-ის კურსის გარკვეული უკანდახევაა მოსალოდნელი და მონეტის ფასი შესაძლოა 30$-ზე დაბლა დაეცეს.
Solana Labs-ის დეველოპერებმა ოქტომბრის დასაწყისში განახლება 1.16 მოახდინეს, რომლის მეშვეობითაც კონფიდენციალური ტრანზაქციების მხარდაჭერა გახდა შესაძლებელი.
მანამდე VanEck-ის ანალიტიკოსები პროგნოზირებდნენ, რომ 2030 წლისთვის ეთერიუმის ფასი 11,850$-ს მიაღწევდა, საუკეთესო შემთხვევაში კი 51,000$-ს. ახალ მოხსენებაში კი მოლოდ 13,000$-ზეა საუბარი.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)