Samsung-ის ტელევიზორებს NFT მხარდაჭერა ექნებათ

Samsung-ის ტელევიზორებს NFT მხარდაჭერა ექნებათ

ელექტრონიკისა და საყოფაცხოვრებო ტექნიკის სამხრეთ კორეული მწარმოებელი Samsung-ი თავისი „ჭკვიანი ტელევიზორების“ რამდენიმე ხაზისთვის საკოლექციო ტოკენების ყიდვის შესაძლებლობის დამატებას გეგმავს. 

როგორც ბრენდის ანონსშია ნათქვამი, NFT მხარდაჭერა ექნებათ MICRO LED, Neo QLED და The Frame ხაზის მოდელებს.

საკოლექციო ტოკენების მხარდაჭერა Smart Hub სისტემას დაემატება. NFT-ის გარდა, სისტემა მხარს ღრუბლოვან თამაშებსა და ვიდეო ზარებს დაუჭერს. განცხადებაში ნათქვამია:

„NFT-ზე მზარდი მოთხოვნის გამო, ჩვენს ეკოსისტემაში საკოლექციო ტოკენებთან მუშაობის შესაძლებლობის საჭიროება ძალიან მაღალია. 2022 წელს Samsung-ი მსოფლიოში პირველ ტელევიზორის NFT ბრაუზერს წარმოადგენს. ეს ინოვაციური პლატფორმა თქვენი საყვარელი ხელოვნების ნიმუშების დათვალიერების, შეძენისა და ჩვენების შესაძლებლობას იძლევა.“

ეს Samsung-ისთვის საკოლექციო ტოკენებთან მუშაობის პირველი გამოცდილება არ არის. მანამდე სამხრეთ კორეის კონგლომერატის ვენჩურულმა განყოფილებამ ინვესტიცია ამ სფეროში მომუშავე რამდენიმე სტარტაპში მოახდინა. მაგალითად, Samsung-ისგან თანხები მიიღო Sky Mavis-მა, რომელიც ცნობილია თავისი თამაშით Axie Infinity.

NFT-ს თემაზე ცოტა ხნის წინ Ethereum-ის დამფუძნებელმა, ვიტალიკ ბუტერინმაც ისაუბრა. მან აღიარა, რომ კრიპტოვალუტის ინდუსტრიის განვითარების დონე სათანადოდ ვერ შეაფასა და შესაბამისად, NFT სექტორის ფორმირება და საკოლექციო ტოკენების პოპულარობა ვერ იწინასწარმეტყველა.

წყარო: https://bits.media