Visa, Mastercard და Stripe სტეიბლკოინების ერთიანი პლატფორმის შექმნას განიხილავენ
by Giorgi 
Visa, Mastercard და Stripe სტეიბლკოინების ერთიანი პლატფორმის შექმნას განიხილავენ
გამოცემა CoinDesk ბაზარზე არსებულ წყაროებზე დაყრდნობით იტყობიება, რომ მსოფლიოს უმსხვილესი საგადასახადო სისტემები – Visa, Mastercard და Stripe სტეიბლკოინების ერთიანი პლატფორმის შექმნის შესაძლებლობას განიხილავენ. პროექტის პარტნიორი შესაძლოა უმსხვილესი ამერიკული კრიპტობირჟა Coinbase გახდეს.
ახალი პლატფორმის მუშაობის დეტალები ჯერჯერობით უცნობია, თუმცა წყაროების ცნობით, ის „უახლოეს მომავალში ამოქმედდება“. ამასთან, Coinbase პლატფორმის ლიკვიდურობის უზრუნველყოფას, კასტოდიალური სერვისების გაწევასა და Base ბლოკჩეინის ინტეგრირებას გეგმავს.
ბოლო რამდენიმე წლის განმავლობაში, ოთხივე კომპანია სტეიბლკოინებთან მომუშავე პლატფორმებს ყიდულობდა და ეროვნულ ვალუტებზე მიბმული ტოკენებისთვის საკუთარ ინფრასტრუქტურას ქმნიდა.
2024 წლის ბოლოს Stripe-მა სტეიბლკოინების ინფრასტრუქტურაზე სპეციალიზებული კრიპტოკომპანია Bridge შეიძინა. 2026 წელს Mastercard-მა ფირმა BVNK იყიდა, რომელიც ასესევე სტეიბლკოინებთან მუშაობს, ხოლო ამ კვირაში სტეიბლკოინებით ანგარიშსწორების გაფართოების გეგმების შესახებ გამოაცხადა. Visa-მ აპრილში სტეიბლკოინებით ანგარიშსწორების საპილოტე პროექტი ცხრა ბლოკჩეინამდე გააფართოვა. ქსელების – Ethereum, Solana, Avalanche და Stellar-ის მხარდაჭერას ახლა უკვე Base, Polygon, Canton Network, Arc და Tempo-ს მხარდაჭერაც დაემატა.
2023 წლის აგვისტოდან Coinbase კაპიტალიზაციის მიხედვით მეორე ტეიბლკოინ USDC-ის ემიტენტ კომპანია Circle-თან თანამშრომლობს. Coinbase-ს კრიპტო ბირჟაზე განთავსებული USDC-ის ტრანზაქციებიდან მიღებული საკომისიო შემოსავლის 100% ერგება. ხოლო იმ USDC სტეიბლკოინებიდან მიღებული შემოსავალი, რომლებიც პლატფორმის გარეთ ბრუნავს, მხარეებს შორის 50/50-ზე იყოფა.
ამჟამად აშშ-ის კონგრესში კანონპროექტს CLARITY-ს განიხილავენ, რომელიც სხვა საკითხებთან ერთად სტეიბლკოინებიდან შემოსავლის მიღებას არეგულირებს. ბანკებსა (რომლებიც მფლობელების მიერ სტეიბლკოინების პროცენტების მიღებას ეწინააღმდეგებიან) და კრიპტოკომპანიებს შორის რამდენიმეთვიანი დისკუსიის შემდეგ, კანონპროექტში ცვლილება შევიდა. სტეიბლკოიებისგან შემოსავლის მიღება დაუშვეს, თუმცა არსებობს პირობა: კრიპტოვალუტის პლატფორმებმა არ უნდა შესთავაზონ მომხმარებლებს სტეიბლკოინების ისეთი პროდუქტები, რომლებიც საბანკო დეპოზიტებისა და შემნახველი ანგარიშების ანალოგიურია. ტოკენების ფლობისთვის პროცენტების დარიცხვა ლოიალობის ბონუსების სახით არის შემოთავაზებული.
სიახლეების გამოწერა
