კრიპტო ინვესტიციების 70% გასულ წელს განხორციელდა

კრიპტო ინვესტიციების 70% გასულ წელს განხორციელდა

კრიპტოვალუტის ბირჟა Huobi-ს მიერ ჩატარებული გამოკითხვის შედეგად დადგინდა, რომ ამერიკულ კრიპტო ბაზარზე ინვესტორების ორ მესამედზე მეტმა ციფრული ვალუტის ყიდვა მხოლოდ 2021 წელს დაიწყო. 

კომპანიამ  რესპონდენტთა  ციფრული ვალუტებისა და კრიპტო ბაზრის შესახებ ზოგადი ცოდნა შეაფასა.

გამოკითხვაში მონაწილეობა 3100 ზრდასრულმა ამერიკელმა მიღო. 

გაირკვა, რომ გამოკითხულთა 70%-ზე მეტმა  ინვესტირება ერთ წელზე ნაკლები ხნის წინ დაიწყო, 21% კრიპტოვალუტას ზედიზედ ორი წელია ყიდულობს და მხოლოდ 9% ციფრულ აქტივებში ინვესტირებას ოთხ წელზე მეტი ხნის განმავლობაში ახორციელებს.

კვლევის ავტორებმა დაადგინეს, რომ გამოკითხვის მონაწილეთა უმრავლესობა  ვირტუალურ ვალუტაში მნიშვნელოვანი თანხების ინვესტირებას არ ჩქარობს.

დაახლოებით 46%-ის თქმით, ისინი $1000-მდე ღირებულების ასეთი ტიპის აქტივებს ფლობენ.

კიდევ 25%-ის განცხადებით, მათ მიერ შეძენილი ციფრული ვალუტის ღირებულება 1000-დან 10000 დოლარამდე მერყეობს.

Huobi-ს რესპონდენტთა 40%-ზე მეტი  კრიპტო ინდუსტრიას სკეპტიკურად უყურებს და მიიჩნევს, რომ მასში ინვესტიცია ამჟამად ძალიან სარისკოა. 

34%-ს უხერხულობას უქმნის ის ფაქტორი, რომ ბაზარი ცუდად არის რეგულირებული.

დანარჩენ 24%-ს ციფრულ აქტივებში ინვესტირებისთვის, მათივე სიტყვებით,  საკმარისი კაპიტალი არ გააჩნია.

“გასული წელი არაურთიერთჩანაცვლებადი ტოკენებისა და დეცენტრალიზებული ფინანსური სისტემების განვითარების თვალსაზრისით ძალიან მნიშვნელოვანი იყო.  თუმცა, ჯერ კიდევ ბევრი დრო უნდა გავიდეს, სანამ კრიპტო ინდუსტრია რიგითი მომხმარებლისთვის ჩვეულებრივი მოვლენა გახდება.“ – განაცხადა Huobi Group9 – ის გლობალურ სტრატეგიის დირექტორმა ჯეფ მეიმ.

საკონსულტაციო კომპანია Edelman Financial Engines – ის დამფუძნებელმა რიკ ედელმანმა ცოტა ხნის წინ გამოთქვა მოსაზრება, რომ 2022 წლის ბოლოსთვის ბიტკოინების გარკვეული რაოდენობა ამერიკელების 33% -ზე მეტს ექნება.

წყარო: https://bits.media/