by Giorgi 
მსხვილი კრიპტო პროექტების ტოკენების გაყიდვები 85%-ით შემცირდა
პლატფორმა CryptoRank-ის ანგარიშის თანახმად, კრიპტოპროექტებმა აპრილიდან ივნისის დასაწყისამდე ტოკენების საჯარო გაყიდვებით მხოლოდ 58 მილიონი დოლარი მოიზიდეს, რაც იანვარ-მარტის 390 მილიონ დოლართან შედარებით 85%-იანი კლებაა. ანალიტიკოსები ამ კლებას კაპიტალის ტრადიციულ ბაზრებზე გადინებას მიაწერენ, მათ შორის ხელოვნურ ინტელექტთან დაკავშირებულ ფასიან ქაღალდებში.
ანალიტიკოსებმა ასევე ტოკენების საჯარო გაყიდვების რიცხვის მკვეთრი კლებაც დააფიქსირეს. მიუხედავად იმისა, რომ პირველ კვარტალში ასეთი 105 შეთავაზება განხორციელდა, მეორე კვარტალში ეს რიცხვი 37-მდე შემცირდა, რაც 65%-იანი კლებაა, მიუხედავად იმისა, რომ კვარტალი ჯერ კიდევ მიმდინარეობს.
ამ კუთხით, ყველაზე სუსტი თვე მაისი იყო – მსხვილმა პროექტებმა ტოკენების მხოლოდ 13 საჯარო გაყიდვა განახორციელეს. ასეთი დაბალი მაჩვენებელი ბოლოს 2020 წლის დეკემბერში დაფიქსირდა. CryptoRank-ის მონაცემებით, მიმდინარე შედეგები მნიშვნელოვნად დაბალია ბაზრის 2025 წლის მაჩვენებლებთან შედარებით.
„2025 წლის პირველ კვარტალში ბაზარმა ციკლის საუკეთესო შედეგები დააფიქსირა, სტარტაპებმა დაფინანსების 429 რაუნდის განმავლობაში 849 მილიონი დოლარი მოიზიდეს. მას შემდეგ, მოზიდული თანხები 14-ჯერ შემცირდა.“– ნათქვამია CryptoRank-ის ანგარიშში.
კვლევის ავტორები მიიჩნევენ, რომ ინვესტორები ახალი კრიპტოპროექტების მიმართ უფრო ფრთხილები გახდნენ. ეს როგორც მოზიდული თანხების მოცულობაზე, ისე თავად განთავსებების რაოდენობაზეც აისახება.
CryptoRank-ის ექსპერტების აზრით, თუ ეს ტენდენცია გაგრძელდება, ტოკენების საჯარო გაყიდვებმა შესაძლოა კრიპტო კომპანიების დაფინანსების ძირითადი წყაროს როლი თანდათან დაკარგოს.
წყარო: https://cryptorank.io/insights/analytics/q2-2026-the-worst-ico-quarter
სიახლეების გამოწერა
