Coinbase-ის მომხმარებელი Mastercard-ით NFT-ს შეძენას შეძლებს

Coinbase-ის მომხმარებელი Mastercard-ით NFT-ს შეძენას შეძლებს

კრიპტოვალუტის ბირჟა Coinbase და გადახდის გიგანტი Mastercard ახალ ინიციატივას ამზადებენ – ბირჟის მომხმარებლებს Mastercard-ის ბარათის გამოყენებით ფიატური ფულით საკოლექციო ტოკენების შეძენა შეეძლებათ.

ამჟამად NFT- ს შეძენა ისეთ პლატფორმებზე, როგორიცაა მაგალითად OpenSea, კრიპტოვალუტით არის შესაძლებელი.

Coinbase-ის პლატფორმაზე კი NFT საკოლექციო ტოკენების შეძენა  Mastercard-ის ბარათებზე არსებული ფიატური ფულით იქნება შესაძლებელი.

თავად პროცესი ჩვეულებრივ ონლაინ საცალო მაღაზიებში სმარტფონის ან მაისურის ყიდვისგან მნიშვნელოვნად განსხვავებული არ იქნება.

„ ჩვენ მილიონობით ადამიანს დავეხმარეთ პირველად მიეღოთ წვდომა ბიტკოინზე , ახლა გვინდა NFT-ზე წვდომაც  შევთავაზოთ. Mastercard-თან თანამშრომლობით ჩვენ Coinbase NFT პლატფორმის კლიენტებისთვის უკეთესი სერვისის მიწოდებას შევძლებთ. ვგეგმავთ ვიმუშაოთ იმაზე, რომ Mastercard-ის მასშტაბების წყალობით ეს შესაძლებლობა ახალ კლიენტებამდე მივიტანოთ.“ – ნათქვამია Coinbase-ის ბლოგ პოსტში.

NFT-ს შექმნისა და ყიდვა-გაყიდვისთვის განკუთვნილი პლატფორმის – NFT Coinbase-ის შესახებ გასული წლის სექტემბერში გახდა ცნობილი.

პლატფორმის მიმართ ინტერესი იმდენად დიდი იყო, რომ როდესაც Coinbase-მა პლატფორმაზე ადრეული წვდომისთვის მომლოდინეთა სია გახსნა, ბირჟის ვებსაიტმა მომხმარებელთა ნაკადს ვერ გაუძლო.

პლატფორმაზე დარეგისტრირებულ მომხმარებელთა რაოდენობამ 1 მილიონ ადამიანს გადააჭარბა.

წყარო : https://bits.media/