by Giorgi 
140 კრიპტო და ფინანსური კომპანია ერთობლივ სტეიბლკოინს უშვებს
140-ზე მეტმა ფინანსურმა, კრიპტოვალუტისა და ფინტექ კომპანიამ ერთობლივი პროექტის – დოლარში დენომინირებული სტაბილური კრიპტოვალუტის Open USD-ის გამოშვების შესახებ გამოაცხადა. მონაწილეებს შორის არიან გადახდის სისტემის ოპერატორები Visa, Mastercard და Stripe; მსოფლიოში უდიდესი აქტივების მმართველი BlackRock; Google; და კრიპტო კომპანიები Coinbase, Bybit, OKX, Ripple და MetaMask.
ინიციატივას დამოუკიდებელი სტრუქტურა – კომპანია Open Standard წარმართავს. მისი დირექტორთა საბჭო მონაწილე კომპანიების წარმომადგენლებისგან დაკომპლექტდება. ზუსტი შემადგენლობა ჯერ არ გახმაურებულა. Open USD რეზერვებიდან მიღებული შემოსავლის ნაწილის იმ ორგანიზაციებზე განაწილება იგეგმება, რომლებიც სტეიბლკოინს გამოიყენებენ და მის პოპულარიზაციას უზრუნველყოფენ. იდეის შემქმნელების დაპირებით, Open Standard-ის საკომისიოს სახით მიღებულ თანხებს პროექტის განვითარებისთვის და აშშ-ის სამართლებრივი მოთხოვნების დაცვის უზრუნველსაყოფად გამოიყენებენ.
პროექტის პარტნიორ კრიპტო კომპანიებს შორის არიან Solana, Crypto.com, Fireblocks, Gemini, Aave, Tempo, eToro, Galaxy, Ledger, Trust Wallet, Morpho, EtherFi, Privy, Bitget Wallet, Stellar, Polygon, Aptos და Plasma.
Open USD-ის შესახებ სიახლეების ფონზე, საბაზრო კაპიტალიზაციით მეორე უდიდესი დოლარში დენომინირებული სტეიბლკოინის – USDT-ის ემიტენტი კომპანია Circle-ის აქციები 13%-ზე მეტით დაეცა და ვარდნას განაგრძობს.
ინფორმაცია, რომ Visa, Mastercard და Stripe ერთიანი სტაბილური კრიპტოვალუტის პლატფორმის შექმნის შესაძლებლობას იკვლევდნენ ივნისის დასაწყისში გავრცელდა. აშშ-ის უდიდესი კრიპტო ბირჟა Coinbase პროექტის პოტენციურ პარტნიორად ითვლებოდა. ეს აშშ-ში CLARITY კანონპროექტის განხილვას დაემთხვა, რომელიც, სხვა საკითხებთან ერთად, სტაბილური კრიპტოვალუტებიდან შემოსავლის გენერირებას არეგულირებს.
წყარო: https://joinopenstandard.com/blog/introducing-open-usd
სიახლეების გამოწერა
