უკრაინამ კრიპტოვალუტების ლეგალიზაციის შესახებ კანონი მიიღო
უმაღლესმა რადამ საბოლოო მოსმენით დაამტკიცა კანონპროექტი უკრაინის ტერიტორიაზე კრიპტოაქტივების ლეგალიზაციის შესახებ, მათთვის კანონიერი გადახდის სტატუსის მინიჭების გარეშე.
ოფიციალური განცხადების თანახმად, უკრაინის უმაღლესმა რადამ ხმათა უმრავლესობით ვირტუალური აქტივების შესახებ ახალი კანონი მიიღო.
კანონპროექტი, რომელიც პარლამენტარებს 2021 წლის სექტემბერში წარუდგინეს, თავდაპირველად დამტკიცდა, მაგრამ საკონსულტაციო შეხვედრების სერიის შემდეგ ის გადასახედად გაიგზავნა.
დოკუმენტის საბოლოო ვერსიაში უკრაინის კრიპტოვალუტის ბაზრის მარეგულირებლის მოვალეობები ფასიანი ქაღალდების ეროვნულ კომისიას ენიჭება.
მას ციფრული სერვისის პროვაიდერების საქმიანობის ლიცენზირება, ასევე ბაზრის ზედამხედველობა და ფინანსური მონიტორინგი ევალება.
„ახალი კანონი ჩვენს ქვეყანაში ბიზნესის განვითარების დამატებით შესაძლებლობებეს იძლევა. უცხოური და უკრაინული კრიპტოვალუტის კომპანიებს შეეძლებათ ლეგალურად მუშაობა, ხოლო უკრაინელები ვირტუალური აქტივების გლობალურ ბაზარზე კომფორტულ და უსაფრთხო წვდომას მიიღებენ.
ბაზრის მონაწილეები მიიღებენ სამართლებრივ დაცვას და შესაძლებლობას გადაწყვეტილებები სამთავრობო უწყებებთან ღია კონსულტაციების საფუძველზე მიიღონ. ახალი კლასის აქტივებში ინვესტირებისთვის გამჭვირვალე მექანიზმი გაჩნდება.“- განაცხადა უკრაინის ციფრული ტრანსფორმაციის მინისტრმა მიხაილო ფედოროვმა.
თებერვლის დასაწყისში ცნობილი გახდა, რომ ბირჟა Binance-ის უკრაინული განყოფილება გადახდის ბარათის გამოშვებაზე მუშაობს.
კრიპტოვალუტების უკრაინულ გრივნაში ავტომატური კონვერტაციის მეშვეობით ბარათის მფლობელებს საშუალება ექნებათ უკრაინის ნებისმიერ სავაჭრო წერტილში კრიპტოვალუტით გადაიხადონ.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)