ჯეიმს ნეგრო: რატომ აირჩია Web3 ტრადიციული საბანკო სისტემის ნაცვლად? | ექსკლუზიური ინტერვიუ

Blockchain Futurist Conference 2026-ზე CryptoNews.Ge-მ ექსკლუზიური ინტერვიუ ჩაწერა ჯეიმს ნეგროსთან (James Negro), რომელიც Blockchain Futurist Conference-ის პარტნიორობებისა და მარკეტინგის მიმართულებას ხელმძღვანელობს. ინტერვიუში მან ისაუბრა Web3-ში თავისი გზის, Ethereum-ის როლისა და იმ მიზეზების შესახებ, თუ რატომ ფიქრობს, რომ Web3-ის შესახებ გავრცელებული მრავალი წარმოდგენა რეალობას არ შეესაბამება.

„Web3-მდე მეწარმე ვიყავი“

ჯეიმს ნეგროს თქმით, Web3-ის მიმართ ინტერესი საკუთარი ბიზნესის მართვისას შეექმნა.

მისი განმარტებით, ტრადიციული საბანკო გადახდის სისტემები და POS ტერმინალები მაღალ საკომისიოებს ითხოვდა, რაც როგორც მეწარმისთვის, ისე მომხმარებლებისთვის დამატებით ხარჯს წარმოადგენდა.

„მივხვდი, რომ ბანკისთვის გადახდილი საკომისიოები იმდენად დიდი იყო, რომ ამ თანხით ერთი თანამშრომლის სრული ხელფასის დაფარვა შეიძლებოდა. ჩემთვის ეს არ იყო სამართლიანი — მერჩივნა ეს თანხა ახალი ადამიანების დასაქმებას მოხმარებოდა.“

რატომ Ethereum?

ნეგროს თქმით, სწორედ ამ პრობლემის გადაჭრის ძიებამ მიიყვანა Ethereum-ის ეკოსისტემამდე.

მისი შეფასებით, Ethereum-ის ქსელი უფრო სწრაფ, იაფ და ეფექტიან ალტერნატივას სთავაზობდა ტრადიციულ გადახდის სისტემებს.

„Ethereum-ში ყველაფერი უფრო სწრაფი, იაფი და ლოგიკური აღმოჩნდა. როგორც კი ამ ეკოსისტემაში შევედი, Web3-ის სამყაროს გაცნობა უფრო და უფრო გავაგრძელე.“

„Web3 ერთგვარი მოგზაურობაა“

ჯეიმს ნეგრო ამბობს, რომ Web3-ში მოხვედრის შემდეგ ადამიანების უმეტესობა ტექნოლოგიას ბევრად უფრო ღრმად ეცნობა.

მისი თქმით, მნიშვნელობა არ აქვს ადამიანი მეწარმეა თუ არა — Web3 მუდმივი სწავლისა და ახალი შესაძლებლობების აღმოჩენის პროცესია.

ყველაზე დიდი მცდარი წარმოდგენა

ინტერვიუს ბოლოს მან ისაუბრა ყველაზე გავრცელებულ მითზე, რომლის მიხედვითაც Web3 მხოლოდ თაღლითობასთან ასოცირდება.

ნეგროს შეფასებით, პრობლემა თავად ტექნოლოგია კი არა, ინფორმაციის ნაკლებობაა.

„ადამიანები ფიქრობენ, რომ ინდუსტრიაში მხოლოდ თაღლითობაა, მაგრამ რეალურად ეს ცოდნის ნაკლებობის შედეგია. რაც უფრო მეტს სწავლობ Web3-ზე, მით უფრო ხვდები, რომ მისი მთავარი იდეა არის სამართლიანობა, ღიაობა და საზოგადოების უფრო ფართო ჩართულობა.“

CryptoNews.Ge Blockchain Futurist Conference 2026-ზე

CryptoNews.Ge, როგორც Blockchain Futurist Conference 2026-ის ოფიციალური მედია პარტნიორი, ღონისძიების ფარგლებში აგრძელებს ექსკლუზიური ინტერვიუების, რეპორტაჟებისა და Web3 ინდუსტრიის ლიდერების მოსაზრებების გაზიარებას ქართველი აუდიტორიისთვის.

📺 ვიდეო ინტერვიუ სრულად იხილეთ CryptoNews.Ge-ის YouTube არხზე.