კრიპტობაზარზე დადებითი დინამიკა რამდენიმე თვე გაგრძელდება

 კრიპტობაზარზე დადებითი დინამიკა რამდენიმე თვე გაგრძელდება

ვენჩურული კომპანია Social Capital-ის დამფუძნებელი მიიჩნევს, რომ უახლესი მოვლენების ფონზე, კრიპტოვალუტის ბაზარი სტაბილურ ზრდას აჩვენებს.

ჩამათ ფალიხაპითიას (hamath Palihapitiya) აზრით, კრიპტოვალუტების ინვესტორების უმეტესობამ  აღმოსავლეთ ევროპაში დაძაბული გეოპოლიტიკური სიტუაციის ყველა შედეგი უკვე გაითვალისწინა :

„იმ მდგომარეობას, რომელშიც ვიმყოფებით კრახს დავარქმევდი. უნდა ვივარაუდოთ, რომ მომდევნო ერთ თვეში ან თვენახევარში, ალბათ, ნაკლები ნეგატიური სიახლე იქნება, რომელიც ფასზე იმოქმედებს. ბოლო რამდენიმე წლის განმავლობაში მივხვდი, რომ ბაზრებს სიახლეები ნამდვილად არ აინტერესებთ. ისინი ერთნაირად კარგად აღიქვამენ კარგსაც და ცუდსაც. ის, რასაც ბაზრები ვერ იტანენ- გაურკვევლობაა.“

ინვესტორმა მაგალითად უკრაინულ და რუსულ მხარეებს შორის  მოლაპარაკებების დაწყება მოიყვანა.

„როცა დაინახეს, რომ უკრაინასა და რუსეთს შორის მოლაპარაკებები დაიწყო, ყველა ბაზარმა შვებით ამოისუნთქა.

ეს ნამდვილად კონსტრუქციული მომენტი იყო. ბაზრებს სიგნალი გაეგზავნათ : ჩვენ გვაქვს რამდენიმე კვირა, რომ ყველაფერი მოვასწროთ.“

ფალიხაპითია აღნიშნავს, რომ მეორე მოგვარებული გაურკვევლობა, რომელმაც  კრიპტოვალუტის ბაზარს სტაბილურობა შემატა,  აშშ-ს ფედერალური სარეზერვო სისტემის გადაწყვეტილებაა.

„ რაც ყველაზე მთავარია, მათ მოგვცეს ყველაზე მოსალოდნელი პროგნოზი იმის შესახებ, თუ როგორი იქნება მინიმუმ შემდეგი წელი, და შესაძლოა მომდევნო ორი წელიც.

ინვესტორები მიხვდნენ, რომ ყველაფერი არც ისე ცუდადაა და ინფლაციის „მოთვინიერება“ წლის მეორე ნახევარში დაიწყება.

ეკონომიკა ჯერ კიდევ საკმარისად ძლიერია, რომ შეგვეძლოს საპროცენტო განაკვეთები 2-2,5%-ის დონეზე შევინარჩუნოთ.“-  ხაზს უსვამს მილიარდერი.

ფალიხაპითიას პროგნოზით, კრიპტოვალუტის აქციები ყველა მიმართულებით იმ შემთხვევაში გაიზრდება, თუ რუსეთ-უკრაინას შორის კონფლიქტი მეტად აღარ გამწვავდება. მაგ დროისთვის კრიპტო ინვესტორები მსგავსი რისკების გათვალისწინებას ისწავლიან.

თუმცა, ბიზნესმენის აზრით, მოვლენების განვითარების ეს ვარიანტი ნაკლებად სავარაუდოა. ყოველ შემთხვევაში, ამჟამად კონსტრუქციული დინამიკა შეინიშნება, რომელიც მომდევნო რამდენიმე თვე გაგრძელდება.

ანალიტიკოსი პიტერ შიფი (Peter Schiff) ბიტკოინისა და საფონდო ბაზრის ზრდის პროგნოზს ასევე ეთანხმება. მისი აზრით, კრიპტოვალუტა მაშინ გაიზრდება, როდესაც NASDAQ მოიმატებს და ოქრო დაეცემა. ბიტკოინში დიდი ინვესტიცია Apple-ის თანადამფუძნებელმა სტივ ვოზნიაკმაც  მოახდინა  და ელის, რომ მისი ღირებულება საზოგადოების მაღალი ინტერესის გამო 100 000 დოლარამდე გაიზრდება .