Solana-ს შეუძლია ბიტკოინის ადგილი დაიკავოს

Solana-ს შეუძლია ბიტკოინის ადგილი დაიკავოს

ბირჟა FTX-ის აღმასრულებელი დირექტორი სემ ბენკმან-ფრიდი მიიჩნევს, რომ კრიპტოვალუტა Solana-ს  ბიტკოინის ადგილის დაკავება შეუძლია,

მაგრამ ამისთვის მან მთავარ კონკურენტს – ეთერიუმს უნდა გაუსწროს.

სემ ბენკმან-ფრიდის (Sam Bankman-Fried) ვარაუდით, კაპიტალიზაციის მიხედვით კრიპტოვალუტის ბაზარზე მოწინავე ადგილს დაიკავებს მასშტაბირებადი კრიპტოვალუტა, რომელსაც ძალიან დაბალი საკომისიო აქვს და ეს შეიძლება SOL გახდეს.

ამისათვის Solana-ს  ბლოკჩეინმა წამში  ათობით მილიონი ტრანზაქცია უნდა დაამუშავოს და ბენკმან-ფრიდის აზრით, სოლანას აქვს  რეალური შანსი ამას მიაღწიოს.

თუმცა, სანამ SOL მონეტა ბიტკოინის ადგილს დაიკავებს, მან  თავის მთავარ კონკურენტს – ეთერიუმს უნდა გაუსწროს.

ბენკმან-ფრიდი BTC-ის ღირებულებას აღიარებს, მიუხედავად იმისა, რომ ბიტკოინის ბლოკჩეინი აპლიკაციების შესაქმნელად იშვიათად გამოიყენება, Ethereum-სგან განსხვავებით, რომლის ქსელშიც უამრავი DeFi და NFT პროექტი მუშავდება.

გარდა ამისა, Ethereum-ის დეველოპერებმა უკვე დაიწყეს  Ethereum 2.0-ზე გადასვლა და Proof-of-Stake (PoS) კონსენსუსის ალგორითმს  მასშტაბურობასთან დაკავშირებული ძირითადი პრობლემების გადაჭრა შეუძლია.

თუმცა, ბენკმან-ფრიდი სხვაგვარად ფიქრობს და Ethereum 2.0-ის მიმართ პესიმისტურად არის განწყობილი.

ამის მიზეზია შარდინგი, რომელიც ტრანზაქციის დამუშავების სიჩქარის გაზრდის მიზნით  Ethereum-ის ინფრასტრუქტურის  უფრო მცირე ნაწილებად დაყოფას გულისხმობს.

ბენკმან-ფრიდის აზრით, შარდინგის მინუსი იმაში მდგომარეობს, რომ ის სხვადასხვა ფრაგმენტებში ტრანზაქციებს შორის კომპანირებას არ გულისხმობს.

ქსელის მონაწილეებს შორის სხვადასხვა ფრაგმენტებში კონკურენცია ავტომატურად ჩააყენებს ყველა მომხმარებელს არახელსაყრელ მდგომარეობაში და Ethereum-ის ქსელში ქაოსს შექმნის.

ცოტახნის წინ Solana Labs-ის თანადამფუძნებელმა რაჯ გოკალმა (Raj Gokal) განაცხადა, რომ პროექტის მიზანი ეთერიუმი „მოკვლა“ არ არის და რომ კრიპტოსამყაროში ყველას ეყოფა ადგილი განვითარებისთვის.

წყარო : https://bits.media/