Binance-მა რუსი პოლიტიკოსების ნათესავების ანგარიშები დაბლოკა

Binance-მა  რუსი პოლიტიკოსების ნათესავების ანგარიშები დაბლოკა

კრიპტოვალუტის ბირჟამ Binance კრემლის მაღალჩინოსნების სანქცირებულ ნათესავებს ანგარიშებზე წვდომა შეუზღუდა.

Bloomberg-ის ცნობით, ბოლო ორი თვის განმავლობაში უმსხვილესმა კრიპტო ბირჟამ დაბლოკა რამდენიმე ანგარიში, რომლებიც  რუსეთის მთავრობის წევრების ნათესავებს ეკუთვნოდა.

სიაში პრეზიდენტის პრესმდივნის, დიმიტრი პესკოვის  ქალიშვილი ელიზავეტა პესკოვა და რუსეთის საგარეო საქმეთა მინისტრის სერგეი ლავროვის გერი პოლინა კოვალევა მოხვდნენ.

Binance-მა ასევე დაბლოკა კირილ მალოფეევი, „ცარგრადის“ კომპანიების ჯგუფის დირექტორთა საბჭოს თავმჯდომარის, კონსტანტინე მალოფეევის შვილი. რამდენიმე წლის წინ, მალოფეევს უცნობი პირები ატერორებდნენ.

WEX-ის ბირჟიდან „მოპარული“ 120 BTC დაებრუნებას მოითხოვდნენ და საზოგადოებრივი შენობების აფეთქებებით იმუქრებოდნენ.

Binance-ში სანქციების დირექტორად ახლად დანიშნული ჩაგრი პოირაზის (Chagri Poyraz) ინფორმაციით, ბირჟამ  ელიზავეტა პესკოვა 3 მარტს დაბლოკა, როდესაც იგი მესამე მხარის ბროკერის მეშვეობით პლატფორმის გამოყენებას ცდილობდა.

11 მარტს აშშ-ს ფინანსთა დეპარტამენტმა მას შეზღუდვები დაუწესა. მანამდე პესკოვამ  სანქციების გამო აღშფოთება გამოხატა და მათ უსამართლო და არაგონივრული უწოდა

რადგან მათ  პოლიტიკურ ვითარებასთან არანაირი კავშირი არ აქვთ. 24 მარტს Binance ანგარიში გაეყინა პოლინა კოვალევას. კირილ მალოფეევის Binance ანგარიში კი ამ კვირაში შეჩერდა.

პოირაზის განცხადებით, Binance იმ მომხმარებლების იდენტიფიცირებას აგრძელებს, რომლებიც  აშშ-სა და ევროკავშირის შავ სიაში შეყვანილ პირებთან არის დაკავშირებული.

მისი თქმით, Binance-ის ქმედებები„პრევენციულია“ და მიზნად  ფინანსური დანაშაულის რისკების შეკავებას ისახავს.

21 აპრილს Binance-მა გამოაცხადა, რომ  რუსეთის იმ მოქალაქეების მომსახურებას შეწყვეტს, რომელთა ანგარიშებზე აქტივების რიცხვი 10000 ევროზე მეტია, თუმცა მარტში Binance-ის აღმასრულებელმა დირექტორმა ჩენპენ ჯაომ განაცხადა, რომ ბირჟა  უდანაშაულო ადამიანების ანგარიშებს ცალმხრივად არ გაყინავს.

კრიპტო ბირჟაზე მთავარი რუსი მაღალჩინოსნებისა და პოლიტიკოსების ნათესავების ანგარიშების დაბლოკვამ აჩვენა, რომ მიუხედავად კრიპტოვალუტების მიმართ რუსეთის ბანკის მტრული დამოკიდებულებისა, ისინი ციფრულ აქტივებს აქტიურად იყენებენ.