კრიპტო ჰეჯ-ფონდების ორ მესამედს დეფოლტი ელის

კრიპტო ჰეჯ-ფონდების ორ მესამედს დეფოლტი ელის

საინვესტიციო კომპანია Galaxy Digital-ის აღმასრულებელი დირექტორის აზრით, კრიპტოვალუტის ბაზრის მაღალი ვოლატილობის ფონზე, ბევრი მსხვილი საინვესტიციო ფონდი დაიხურება.

ჰეჯ-ფონდის ყოფილმა მენეჯერმა მაიკ ნოვოგრაცმა (Mike Novogratz) ნიუ-იორკში გამართულ Piper Sandler Global Exchanges & Brokerage Conference-ზე გამოსვლისას განაცხადა,

რომ იმ ჰეჯ-ფონდების უმეტესობა, რომლებიც ინვესტიციას კრიპტოვალუტაში ახდენენ, წარუმატებლობას ციფრული აქტივების ბაზარზე მიმდინარე ვარდნის გამო განიცდიან.

„მოცულობა დაეცემა და ჰეჯ-ფონდებს რესტრუქტურიზაცია მოუწევთ. ჩემი ვარაუდით, 1900 მსხვილი კრიპტოვალუტის ჰეჯ-ფონდიდან ორი მესამედი გაკოტრდება.“

ბოლო ექვსი თვის განმავლობაში კრიპტოვალუტების ფასის მუდმივი ვარდნა  შესაძლოა აშშ-ს ფედერალური სარეზერვო სისტემის (Fed) მიერ სტიმულირების გაუქმებაზე  ბაზრის რეაქციით  განვსაზღვროს, მიიჩნევს ნოვოგრაცი.

ბიზნესმენმა ბლოკჩეინ Terra-ს კრახი,  რომელშიც მან და Galaxy Digital-მა ადრე ინვესტიცია განახორციელეს, არა მაკროეკონომიკური ფაქტორებით, არამედ პროექტის ნაკლოვანებებით ახსნა:

„პროექტი არ იყო საკმარისად ძლიერი იმისთვის, რომ  ბიტკოინების და ალტკოინების ფასების ვარდნას გამკლავებოდა.

ეს ბაზრისთვის კატასტროფული ზარალი იყო. აღმასრულებელი დირექტორი წარმოუდგენლად ჭკვიანი და ქარიზმატული იყო და მისგან დიდი იმპულსი მოდიოდა.“

კრიპტო ჰეჯ-ფონდ PwC-ის წლიურმა ანგარიშმა აჩვენა, რომ 2022 წლის აპრილიდან დეფოლტამდე, კრიპტო ჰეჯ-ფონდებს შორის  მესამე ყველაზე პოპულარული სტეიბლკოინი Terra USD (UST) იყო. PwC-ის მიერ გამოკითხულ რესპოდენტთა 49% LUNA ტოკენით ვაჭრობდა, რომელიც ნოვოგრაცმა თავისი გახმაურებული ტატუთი უკვდავყო.