შანხაი მეტასამყაროში 52 მილიარდის ინვესტიციას განახორციელებს
მომდევნო სამი წლის განმავლობაში ჩინეთის მთავრობა შანხაიში ვირტუალური რეალობის პროექტების მხარდამჭერი პროგრამის განხორციელებას აპირებს.
ჩინეთის ერთ-ერთი უმსხვილესი ქალაქის მუნიციპალური ხელისუფლების განცხადებით, მათ მიზნად დაისახეს მსგავსი პროექტების განვითარების ხელშეწყობის გზით, ქალაქი მთავარ ტექნოლოგიურ ცენტრად აქციონ.
მეტასამყაროს ეკონომიკაში სახელმწიფო ინვესტიციები 1,5 მილიარდი დოლარიდან 52 მილიარდ დოლარამდე, თითქმის 30-ჯერ გაიზრდება.
შანხაის ეკონომიკისა და საინფორმაციო ტექნოლოგიების კომიტეტის დირექტორის ვუ ჯინჩენგის (Wu Jincheng) თქმით,
მთავრობის დაფინანსება მიმართული იქნება ისეთი კომპანიების მხარდასაჭერად, რომლებიც „პროდუქტებისა და სერვისების შედარებით ანალიზზე არიან სპეციალიზებული.“
მუნიციპალიტეტი კომერციულ სტრუქტურებს მთელი რიგი ტექნოლოგიური პრობლემების გადაჭრაზე ფოკუსირებას სთავაზობს.
კერძოდ , როგორიცაა ვირტუალური საწარმოების, ვირტუალური ტურიზმისა და მასთან დაკავშირებული გართობის ციფრული სფეროს შექმნა, სადაც მომხმარებლებს კომუნიკაცია სოციალური ქსელების, ვირტუალური რეალობის, ონლაინ თამაშების მეშვეობით შეეძლებათ და ოპერაციებს კრიპტოვალუტებით განახორციელებენ.
მანამდე ჩინეთის ხელისუფლება ამ დარგის განვითარებისთვის 10 მილიარდი იუანის (1,5 მილიარდი დოლარი) გამოყოფას გეგმავდა და აპირებდა სამრეწველო ბიზნეს აპლიკაციების, რობოტული ქსელების და ჭკვიანი VR ტერმინალების განვითარების მხარდასაჭერად მეტავერსიის ინდუსტრიის ფონდის შექმნით შემოფარგლულიყო.
თუმცა, კომპანია Statista-ს მიერ ჩატარებული ჩინელი ინტერნეტ მომხმარებლების გამოკითხვის შედეგების შესწავლის შემდეგ, სადაც 60%-ზე მეტმა მომხმარებელმა თავისი მეტავერსიაში კომუნიკაციის განზრახვა ნათლად დაადასტურა, პერსპექტიულ მიმართულებებს ვირტუალური ტურიზმი და გართობაც დაემატა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)