ECB-მ ციფრული ევროს პროტოტიპის შესაქმნელად პარტნიორები აირჩია

ECB-მ ციფრული ევროს პროტოტიპის შესაქმნელად პარტნიორები აირჩია.  

ევროპის ცენტრალურმა ბანკმა (ECB) კონკურსის წესით შერჩევის დასრულებისა  და ხუთ კომერციულ კომპანიასთან ციფრული ევროს პროტოტიპის შესაქმნელად თანამშრომლობის შესახებ გამოაცხადა. 

ციფრული ევროს ინფრასტრუქტურას და ძირითად სისტემას თავად ECB უზრუნველყოფს, სხვადასხვა ფუნქციის მომხმარებელთა ინტერფეისებს კი სხვა კომერციული კომპანიები შეიმუშავებენ.

პარტნიორთა სიაში ციფრული კომერციის ამერიკული გიგანტი Amazon-იც შევიდა.

Amazon ელექტრონული კომერციისთვის ციფრული ევროს გადახდის სისტემაზე იმუშავებს.

პროტოტიპის შექმნაში მონაწილეობას ასევე მიიღებენ CaixaBank (P2P ონლაინ გადახდები) და Worldline (P2P  ოფლაინ გადახდები). გადახდის ტერმინალებისთვის პროგრამულ უზრუნველყოფას European Payments Initiative (EPI) და Nexi შექმნიან.

კომპანიები იმ 54 ფირმიდან შეირჩა, რომლებმაც ციფრული ევროს მიმართ ინტერესი ადრე გამოხატეს. ტესტირების შედეგები მომავალ წელს გახდება ცნობილი.

ციფრული ევროსთვის მომხმარებლის ინტერფეისის პროტოტიპის შესაქმნელად კონკურსში მონაწილეობისთვის პროგრამული უზრუნველყოფის დეველოპერები ECB-მ ამ წლის დასაწყისში მიიწვია.

მანამდე ევროკავშირის წარმომადგენლებმა განაცხადეს, რომ ევროს საცალო ციფრული ვალუტის ფორმა კომპანიებს გადასახადების ან ხელფასების გადახდის, ასევე დეცენტრალიზებულ ფინანსებში გამოყენების შესაძლებლობას არ მისცემდა.