ჩინეთი კრიპტობაზარზე დაბრუნებას ჰონგ-კონგის მეშვეობით გეგმავს

ჩინეთი კრიპტობაზარზე დაბრუნებას ჰონგ- კონგის მეშვეობით გეგმავს

კრიპტოვალუტის ბირჟა BitMEX-ის ყოფილი აღმასრულებელი დირექტორის აზრით, კრიპტოვალუტის მორიგი ზრდა ბაზრზე ჩინეთის დაბრუნების შემდეგ დაიწყება და ამ პროცესში მნიშვნელოვან როლს ჰონგ-კონგი შეასრულებს.

არტურ ჰეისის (Arthur Hayes) ვარაუდით, ჰონგ-კონგში კრიპტოვალუტების მარეგულირებელი კანონპროექტის შემოღება იმის ნიშანია, რომ ჩინეთი ცდილობს ბაზარზე დასაბრუნებელი გზა შეიმსუბუქოს.

მისი თქმით, ჰონგ-კონგი ერთგვარ „შუამავალს წარმოადგენს, რომლის მეშვეობითაც ჩინეთი დანარჩენ მსოფლიოსთან ურთიერთქმედებას ახერხებს.“

„ჩინეთის კრიპტოვალუტის ბაზარზე დაბრუნებასთან ერთად ხარების ბაზარიც დაბრუნდება. ეს ნელი პროცესი იქნება, მაგრამ ის უკვე დაწყებულია. თუ პროცესები ისე წარიმართა, როგორც ვვარაუდობ, ეს მომავალი ხარის ბაზრისთვის ძლიერი საყრდენი იქნება.“-  მიაჩნია ჰეისს.

ჰეისის თქმით, „ჰონკონგის კრიპტოვალუტების მხარდამჭერ რეგიონად რეორიენტაცია“  პეკინის მხრიდან კრიპტოვალუტებთან მიმართებაში პოზიციების შესუსტების სტრატეგიის ნაწილს წარმოადგენს. ისე, რომ ქვეყნის შიდა ფინანსური სისტემის დესტაბილიზაცია არ მოხდეს.

ცოტახნით ადრე, ჰონგ-კონგის ფასიანი ქაღალდებისა და ფიუჩერსების კომისიამ (SFC) განაცხადა, რომ საცალო ინვესტორების ციფრულ აქტივებში პირდაპირი ინვესტირების უფლებას განიხილავს.

ახლახანს კი ჩინეთის სახალხო სასამართლომ დაადგინა, რომ ქვეყნის მოქალაქეებს  კრიპტოვალუტებით ვაჭრობა კვლავ შეეძლებათ, მაგრამ ისინი როგორც ვირტუალური აქტივები და არა როგორც ვალუტა უნდა განიხილებოდეს.

გასულ წელს ჩინეთის სახალხო ბანკმა გამოსცა ცირკულარი, რომელშიც კრიპტოვალუტები უკანონო ფინანსურ საქმიანობად გამოცხადდა, ხოლო ბიზნესისთვის კრიპტოვალუტებთან დაკავშირებული შეზღუდვები გაფართოვდა.

ამავდროულად, ჩინეთი ციფრულ იუანის დანერგვას წარმატებით ახორციელებს. 31 აგვისტოს მდგომარეობით, ციფრული იუანის გამოყენებით ტრანზაქციების მოცულობამ 100 მილიარდ იუანს (დაახლოებით 13,9 მილიარდი დოლარი) გადააჭარბა.