კომპანია Mastercard-მა ხელი მოაწერა შეთანხმებას, რომლის მიხედვითაც ის გამოუშვებს სადებეტო ბარათს, რომელსაც ბაჰამის კუნძულების სახელმწიფო კრიპტოვალუტის – Sand Dollar-ის მხარდაჭერა ექნება.
პლასტიკური ბარათის გამოშვებაში ბაჰამების ცენტრალური ბანკის გარდა ჩართული იქნება ფინანსური სერვისი Island Pay. ბაჰამის კუნძულების მაცხოვრებლებს შესაძლებლობა ექნებათ შეიძინონ ნივთები და მომსახურება და დაფარონ გადასახადები ნაციონალური კრიპტოვალუტის მეშვეობით – ფიატურ ფულში კონვერტაცია ავტომატურად მოხდება.
როგორც Mastercard-ის ციფრული აქტივებისა და ბლოკჩეინ პროდუქტების აღმასრულებელმა ვიცე-პრეზიდენტმა, რაჯ დამოდარანმა (Raj Dhamodharan) აღნიშნა, ფინანსური გიგანტი მოხარულია შექმნას გადახდის ახალ ფორმებთან დაკავშირებული ახალი შესაძლებლობები სახელმწიფოებისთვის.
„ეს პარტნიორობა მაგალითია იმისა, თუ როგორ შეიძლება სახელმწიფო და კერძო სექტორებმა აითვისონ ახალი შესაძლებლობები ისე, რომ შეინარჩუნონ მომხმარებელთა უსაფრთხოების მაღალი დონე და დააკმაყოფილონ მარეგულირებლების მოთხოვნები,“ – განაცხადა დამოდარანმა.
ცოტახნით ადრე Mastercard-მა განაცხადა, რომ უკვე წელს კომპანიის სერვისების მომხმარებლებს ექნებათ წვდომა კრიპტოვალუტებზე. როგორც ჩანს Sand Dollar-ის მხარდაჭერა ამ ინიციატივის ნაწილია.
შეგახსენებთ, რომ ბაჰამის კუნძულების ნაციონალური კრიპტოვალუტის გამოშვება 2020 წლის ოქტომბერში მოხდა. კრიპტოვალუტა მიბმულია ადგილობრივ ფიატურ ვალუტაზე – ბაჰამურ დოლარზე, 1:1 შეფარდებით.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)