ბიტკოინის და ეთერიუმის ზრდა გარდაუვალია

ბიტკოინის და ეთერიუმის ზრდა გარდაუვალია.

Bloomberg Intelligence-ის საბირჟო საქონლის მთავარი სტრატეგის აზრით, კრიპტოვალუტების მზარდი მიღების ფონზე  ბაზარზე ბიტკოინისა და ეთერიუმის მოცულობის შემცირება აქტივების ფასების ზრდას გამოიწვევს.

Bloomberg-ის კვლევების განყოფილების ანალიტიკოსის მაიკ მაკგლონის (Mike McGlone) განცხადებით, მოპოვებული ბიტკოინისა (BTC) და ეთერიუმის (ETH) მოცულობა კოდით არის შეზღუდული.

მისი თქმით, Ethereum-ის  Proof-of-Stake (PoS) ალგორითმზე გადასვლა ბაზარზე ETH-ის რაოდენობას უფრო შეამცირებს.

„აქტივებზე მოთხოვნა და მათი დანერგვა თვალსაჩინოდ იზრდება. ადამ სმიტისა და ეკონომიკის მარტივი წესების მიხედვით, ასეთ პირობებში ფასები დროთა განმავლობაში გაიზრდება, თუ ეს ტრაექტორია უარყოფითი მიმართულებით რაიმემ არ შეცვალა. ახლა კი  მხოლოდ მზარდ მიღებას და მოთხოვნის ზრდას ვხედავ და ეს მხოლოდ დასაწყისია. ვგულისხმობ იმას, რომ კრიპტოვალუტაში გლობალური აქციების მხოლოდ 1%-ზე ნაკლებია“

მაკგლონის თქმით, ტრადიციული პროდუქტებისგან განსხვავებით, ბიტკოინისა და ეთერიუმის მსგავსი კრიპტოაქტივების ერთ-ერთ უპირატესობას ის გარემოაბა წარმოადგენს,

რომ მათი შენახვა ხარჯს არ მოიცავს.

„ახლა ძალიან მარტივია ბიტკოინისა და ეთერიუმის ყიდვა, მათი მოთავსება თქვენს ტელეფონში არსებულ მობილურ საფულეში, მათი შენახვისთვის თანხის გადახდა კი არასდროს მოგიწევთ. პროდუქტის შემთხვევაში კი ყველაფერი არც ისე მარტივია – შენახვისთვის 5%, ან შესაძლოა 10% უნდა გადაიხადოთ“- განმარტა მან.

მაკგლონის პროგნოზს მხარს Shark Tank-ის ვარსკვლავი კევინ ო’ლირიც (Kevin O’Leary) უჭერს, რომელიც მიუხედავად საინვესტიციო პორტფელის შემცირებისა, BTC-სა და ETH-ში ინვესტორებას განაგრძობს.