Coinbase მომხმარებელთა მონაცემების მთავრობისთვის მიყიდვას უარყოფს
კრიპტოვალუტის უმსხვილესი ამერიკული ბირჟა იძულებული გახდა ეპასუხა ჭორებისთვის, რომელთა თანახმად ის ფინანსური სარგებლის საფუძველზე მომხმარებელთა მონაცემებს აშშ-ს შიდა უსაფრთხოების დეპარტამენტთან არსებულ სააგენტოს გადასცემდა.
გავრცელებული ინფორმაცია Coinbase-მა ტვიტერზე უარყო.
განცხადებაში ნათქვამი იყო, რომ კომპანია კლიენტების პირად მონაცემებს აშშ-ს ემიგრაციისა და საბაჟო აღსრულების ორგანოზე (ICE) არ ყიდის.
ამის შესახებ ხმები ხუთშაბათს, 30 ივნისს გავრცელდა, რასაც მომხმარებელთა მხრიდან უარყოფითი კომენტარები მოჰყვა.
„ბირჟა ამას ჩემი ნებართვის გარეშე აკეთებს? მომხმარებლებისგან ფარულად მონაცემთა გაყიდვა პირად ცხოვრებაში შეჭრაა. მე ამაზე ხელი არ მომიწერია. მათ ჩემი 10 მილიონი დოლარი მართებთ.“- განაცხადა პლატფორმის ერთ-ერთმა მომხმარებელმა.
Coinbase ირწმუნება, რომ კომპანიის მთავარი პრიორიტეტი პლატფორმის უსაფრთხოებისა და დაცულობის უზრუნველყოფაა. გაცვლის ხელსაწყოები, როგორიცაა Coinbase Tracer, მთავრობის რეგულაციების შესასრულებლადაა შექმნილი და ფინანსური დანაშაულების გამოსაძიებლად და არა მომხმარებლების თვალთვალისთვის გამოიყენება.
ბირჟის ცნობით, ინფორმაცია, რომელსაც მთავრობა კლიენტების შესახებ იღებს, მხოლოდ საჯაროდ ხელმისაწვდომი წყაროებიდან გროვდება და არა შიდა მონაცემთა ბაზებიდან.
გასული წლის სექტემბერში, Coinbase-მა სამთავრობო უწყებებისთვის პროგრამული უზრუნველყოფის შემუშავებისთვის ICE-თან 1,36 მილიონი დოლარის კონტრაქტს მოაწერა ხელი.
საინვესტიციო ბანკ Goldman Sach-ის ანალიტიკოსებმა ცოტა ხნის წინ Coinbase-ის რეიტინგი შეამცირეს, რადგან ბირჟის აქციები გასული წლის განმავლობაში 75%-ით დაეცა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)