2023 წელს ბიტკოინი შესაძლოა 5000$-მდე დაეცეს

2023 წელს ბიტკოინი შესაძლოა 5000$-მდე დაეცეს

ტრანსნაციონალური ფინანსური კორპორაციის Standard Chartered-ის ანალიტიკოსებმა მომავალი წლის ის მოვლენები დაასახელეს, რომლებიც პირველი კრიპტოვალუტის კურსზე გავლენას მოახდენს.

ექსპერტების თქმით, 2023 წელს ბიტკოინის კურსი შესაძლოა 5000 დოლარამდე დაეცეს. კომპანიის გლობალური კვლევების ხელმძღვანელის ერიკ რობერტსენის (Eric Robertsen) თქმით, ბევრი ტექნოლოგიური კომპანიის მოგება მათ აქციებთან ერთად საგრძნობლად დაეცა და მიუხედავად იმისა, რომ ბიტკოინის გაყიდვები შენელდა, ინდუსტრიას ზიანი უკვე მიადგა.

Standard Chartered-ის ანალიტიკოსების მომავალი წლის პროგნოზებს შორის არის  ფასების ვარდნა ნავთობსა და სასურსათო პროდუქტებზე, ასევე აშშ-ს პრეზიდენტის ჯო ბაიდენის შესაძლო იმპიჩმენტი.

ექსპერტების თქმით, არ უნდა მივიჩნიოთ, რომ მათი პროგნოზები დიდი ალბათობით ახდება, არამედ უნდა არსებობდეს მოლოდინი, რომ ჩამოთვლილი მოვლენების ალბათობა არ არის ნულოვანი.

Standard Chartered-ს მიაჩნია, რომ ტექნოლოგიური კომპანიების აქციები კიდევ უფრო დაეცემა და სავარაუდოდ ამის შემდეგ ბევრი კომპანია,

რომელიც  კრიპტოვალუტებთან, ბლოკჩეინთან ან შეუცვლელ ტოკენებთან არის დაკავშირებული, გაკოტრდება.

კრიპტოვალუტის სტარტაპებს კი დაფინანსების თვალსაზრისით პრობლემები შეექმნებათ.

უნდა აღინიშნოს, რომ ჯერ კიდევ  სექტემბერში Standard Chartered-ის ანალიტიკოსებმა კრიპტოვალუტის ინდუსტრიისთვის საკმაოდ ოპტიმისტური პროგნოზი გამოაქვეყნეს.

ექსპერტებმა ისიც კი განაცხადეს, რომ ეთერიუმს (ETH) ბიტკოინზე უპირატესობის მოპოვება შეუძლია.