FTX-მა Binance-ზე უარყოფითი სტატიებისთვის 43 მილიონი გადაიხადა
Binance-ის აღმასრულებელი დირექტორის ჩენპენ ჯაოს თქმით, გაკოტრებულმა კრიპტო ბირჟამ FTX, Binance-ის შესახებ უარყოფითი მასალების გამოქვეყნებისთვის თანხა გადაიხადა.
ჩენპენ ჯაოს (Changpeng Zhao) განცხადებით, FTX-მა Binance-ის ირგვლივ უარყოფითი საინფორმაციო გარემოს შესაქმნელად ერთ-ერთ საინფორმაციო სააგენტოს 43 მილიონი დოლარი გადაუხადა.
მას სააგენტო არ დაუსახელებია, თუმცა აღნიშნა, რომ შედეგად გარკვეული პერიოდის მანძილზე პლატფორმამ ინდუსტრიის მზარდი გიგანტის მხრიდან კონკურენცია განიცადა. სხვადასხვა ტრეიდერები კი, როგორც ყოველთვის, უარყოფითი სიახლეების გენერირებას საკუთარი ტრანზაქციების ინტერესებიდან გამომდინარე შეეცადნენ.
თავის მხრივ, ჯაომ ხაზგასმით აღნიშნა, რომ Binance-ს FTX-ის მოვლენების ირგვლივ პრესის მხრიდან აგორებული ნეგატიური კამპანიის მიმართ უარყოფითი დამოკიდებულება აქვს.
მისი თქმით, საინფორმაციო მედიის ასეთი ქცევა, სავარაუდოდ არასდროს შეიცვლება, რაც მისი კომპანიის განვითარებას ხელს ვერ შეუშლის.
„არა მგონია, ეს ოდესმე დამთავრდეს, მაგრამ მომავალში ეს დიდად არ შეგვაწუხებს.“- თქვა ჯაომ.
დასასრულს, Binance-ის ხელმძღვანელმა აღნიშნა, რომ მისი დაკვირვებით, კრიპტო-ინვესტორები FUD ტაქტიკის მიმართ სულ უფრო მეტ მდგრადობას იჩენენ და ახლო მომავალში ისეთი პლატფორმების ხაფანგში, როგორიც FTX-ია სულ უფრო ნაკლები ალბათობით მოხვდებიან.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)