Binance პოლონეთში ვირტუალური აქტივების სერვისების პროვაიდერად დარეგისტრირდა
კრიპტოვალუტის ბირჟამ Binance ევროკავშირში თავისი წარმომადგენლობა გააფართოვა და პოლონეთში ვირტუალური აქტივების სერვისის პროვაიდერად (VASP) დარეგისტრირდა.
პოლონეთში Binance-ის რეგიონალური მენეჯერის, კატარჟინა ვაბიკის (Katarzyna Wabik) თქმით, ბირჟა მოწოდებულია პოლონელი მარეგულირებლების მოთხოვნები სრულად დაიცვას, შესაბამისად, ის რისკების შესამცირებლად და ფულის გათეთრების წინააღმდეგ საბრძოლველად ყველა საჭირო ზომას მიიღებს.
პლატფორმა უსაფრთხოების სისტემის გაუმჯობესებასა და KYC პროცედურის დაცვას განაგრძობს.
იმისთვის, რომ პოლონელმა მომხმარებლებმა პლატფორმის სერვისების გამოყენება განაგრძონ, მათ ხელი Binance Poland-ის ახალ წესებსა და პირობებს უნდა მოაწერონ.
ვაბიკის განცხდებით, პლატფორმა განსაკუთრებულ ყურადღებას ადგილობრივი პერსონალის დაქირავებას დაუთმობს.
ასევე ქვეყნის მასშტაბით სხვადასხვა ღონისძიებების ორგანიზება და კრიპტოვალუტების თემაზე საგანმანათლებლო სემინარების მოწყობა იგეგმება. კრიპტო ბირჟის რამდენიმე დეპარტამენტში ადგილობრივებისთვის ვაკანსიები გამოცხადდა. ახალ თანამშრომლებს Binance-ის ფინანსების, ოპერაციებისა და იურიდიული დეპარტამენტები ეძებენ.
Binance-ის უკრაინისა და აღმოსავლეთ ევროპის ხელმძღვანელის, კირილ ხომიაკოვის თქმით, კრიპტოვალუტების მასობრივი დანერგვისთვის ინდუსტრია ეფექტურ რეგულირებას საჭიროებს.
ზედამხედველობა ინდუსტრიისადმი ნდობის დამყარებას და მის გრძელვადიან განვითარებას შეუწყობს ხელს.
გასულ კვირას Binance შვედეთის ფინანსური სერვისების სააგენტოში (FSA) ვირტუალური ვალუტების მართვისა და სავაჭრო დაწესებულებად დარეგისტრირდა, რამაც კრიპტო ბირჟას ადგილობრივი ტრეიდერებისთვის მომსახურების გაფართოებული სპექტრის მიწოდების შესაძლებლობა მისცა.
ნოემბერში Binance-მა კასტოდიალური სერვისების მიწოდებაზე ნებართვა აბუ დაბის მარეგულირებლებისგან მიიღო.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)